Bron bekyken van Bargen (Noorwegen)

[[Bestaand:Bergen Hanseviertel II.jpg|{{largethumb}}|De [[Hanzekade]] in Bargen]]
[[Bestaand:Bergen - harbour.JPG|{{largethumb}}|De haawn]]
'''Bargen''' is ne [[Stad (woonstee)|stad]] en [[gemiente (bestuur)|gemeente]] in [[Hordalaand]] in et zuudwesten van [[Noorweagen]]. Et wörd wal es de stad tusken de zeuwen bargen neumd. Bargen wörd zeen as de heuwdstad van et [[Vestlandet]] (''Westland''). Bargen wör grondvest deur [[Olav Kyrre]] in [[1070]], met as naam ''Bjørgvin'', wat "de greune engte tusken de bargen" betekent. 

Bargen hef van anvang an ne leidende internasjonale handels- en zeevoartsstad west. In de golden tied van Noorweagen was et zelfs de heuwdstad van et land. Et was van ongevear 1600 töt 1830 Noorweagens grötste stad. Rechtevoort is et de tweedegrötste stad. Bergen was vanof 1600 de administrasiezettel en oetvoorhawen veur et Bargenhoes-len, ne besteurlike landsindeling dee et Westland en [[Noord-Noorweagen]] umvatten. Et stichtambt Bargenhoes in Bargen was et heuwdambt veur et [[Nordland|Noordlaandse]] ambt töt an [[1685]], toen as det oawergung noar [[Trondhjem]]s stichtambt. In [[1763]] wör et Noordelike Bargenhoesambt (later [[Sogn]] en [[Fjordane]]) ofsplitst as egen onderambt. Et oawerblievende Bargenhoesambt wör Søndre Bergenhusambt neumd in [[1766]] (later Hordaland). In [[1831]] wör et Bargenambt oetsplitst van et Søndre Bargenhoesambt. In [[1972]] wörden de gemeentes [[Arna]], [[Fana]], [[Laksevåg]] en Åsane inliefd bie de gemeente Bargen, terwiel as de provinsie Bargen deel wör van Hordaland. De gemeente Bargen gung veurbie de 275.000 inwonners an et eande van [[2014]]. 

In Bargen zit et Proveensiebesteur van Hordaland, de [[Gulating]] volksrechtbanke, [[Bisdom Bjørgvin]], et Viskeriejebesteur, de Konkurrensieroad, et zeewezen en et Noorse internasjonale skeepsregister. Doarnöast bint der nog nen rits zwoare spöllers in de [[kultuur]], [[ekonomie]], [[gezondheid]], [[onderzeuk]] en [[arbeid]].

Bargen is et middelpunt veur de [[marine]] en skeepvoart- en petröllierelateerde onderzeuksinstellingen en ettensindustrie, dee as bie de volledigste en ontwikkelde van de wearld heurt. Bargen hef ne starke en völziedige ettensindustrie en banke- en verzekeringswezen, bouw en anleg, handel- en deenstverlening, hoogtechnologie, massamedia, leavensmiddelindustrie, toerismebranche en [[vervoor]]. Bargen hef ene van de drokste [[vlochthawen]]s van et Noorden en ene van de drokstbevoarene en bezöchte hawens van [[Europa (werelddeel)|Europa]]. Et is et oetgangspunt veur de [[Hurtigruten]] en de [[Bergensbanen]]. 

De [[Hanzekade]] (''Bryggen i Bergen'') steet op de [[Wereldarfgoedlieste|wereldarfgoodlieste]] van [[UNESCO]] en dut der bod van at Bargen vrogger bie et [[Haanze|Hanzeverbond]] was. Et woapen van Bargen hef een borg met dree toorns op zeuwen bargen. Et woapen lik völ op det van de [[Duutslaand|Duutse]] steaden [[Hamborg]] en [[Lubekke]], dee ook bie Hanze warren.

==Foto-oetstallige==
<gallery>
Bestaand:Gamlebergen.JPG|Stikke ströatjes in de oolde stad
Bestaand:Wesselengens.jpg|Ne plaatselike tradisie: et [[buekorps]]
Bestaand:Bergen by night.jpg|De Hanzekade in Bargen
Bestaand:Gamlehaugen in Bergen.jpg|Et laandhoes [[Gamlehaugen]] in Bargen
Bestaand:Haakonshallen Bergen Norway 2009 1.JPG|[[Håkonshallen]]
Bestaand:Marken street Bergen Norway 2009 2.JPG|De buurte Marken
</gallery>

[[Kategorie:Tweants artikel]]
[[Kategorie:Stad in Noorweagen]]