Aeolische ôfzetten

Aeolische ôfzetten van dailtjes in poolwoestenisomstaandegheden. Lokoatsie: aan de vout van de Askja op Ieslaand.

De term Aeolische ôfzetten (oetsproken as [ajoolieze], ook wel eolische) is n geologisch verschiensel dat veroorzoakt wordt deur de wind. Dailtjes worden deur de wind mitnomen en aargens aans weer hìn zet. t Beste veurbeeld hiervan is n duun dij gruit en verploatst wordt deur de wind. Mit n duur woord wordt dit ook wel sedimìntoatsie nuimd. De noam aeolische ôfzetten komt van de Reumse god Aeolus.

Noast de aeolische ôfzetten bestoan ook nog de fluviatiele ôfzetten, dat is sedimìntoatsie deur revierwoater, maritieme ôfzetten, dat komt deur zeewoater en glazjoale ôfzetten, dat komt deur laandies.