Bron bekyken van Aa en Hunze

{{Gemeynde
| name = Aa en Hunze
| bestandsname vlagge = Flag of Aa en Hunze.svg
| bestandsname wåpen = Aa en Hunze-wapen.svg
| lokaty = LocatieAaEnHunze
| provincy = Drenthe
| uppervlakde = 278,86
| uppervlakde land = 276,74
| uppervlakde water = 2,12
| dåtum inwoaner = 1 jannewoari 2020 
| inwoaner = 25.453
| dichtde = 92
| höyvdplaatse = [[Geeiten]]
| breyddegråd = 53/0//N
| längdegråd = 6/45//E
| weagen = [[N33]], [[N34]]
| netnummer = 050, 0592, 0598, 0599
| postkode = 9443-9469, 9510-9519, 9654-9659
| websteade = [http://www.aaenhunze.nl www.aaenhunze.nl]
}}
[[Ofbeelding:Map - NL - Aa en Hunze (2009).svg|thumb|250px|Aa en Hunze en umgeving]]
[[Ofbeelding:Aa en Hunze bevolking 2008.png|250px|thumb|Bevolking van Aa en Hunze in 2008: de tien grootste kernen + overig)]]
'''Aa en Hunze''' is een [[gemiente (bestuur)|gemeeinte]] in 't noordoosten van de provincie [[Drenthe]] in [[Nederlaand]]. De naom van de gemeeinte verwiest naor de rivieren de [[Drentsche Aa]] en de [[Hunze (rivier)|Hunze]], die beide deur de gemeeinte stromen. De gemeeinte had op [[1 jannewaori]] [[2020]] 25.453 inwoners (bron: CBS) en hef een oppervlakte van 278,16 [[vierkaante kilemeter|km<sup>2</sup>]] (waorvan 0,18 km<sup>2</sup> waoter). 't [[Gemeeintehoes]] steeit in [[Geeiten (Drenthe)|Geeiten]]. De gemeeinte is in [[1998]] ontstaon deur 't samengaon van de veurmaolige gemeeinten [[Raol]], [[Gasselt]], Geeiten en [[Anlo]].

== Geschiedenis ==

De gemeeinte besteeit oet tweei verschillende deeilen, met elk een verschillende aachtergrond. 't Westelijke gedeeilte, met de [[Hondsrug]] derbij, beheurt tot eein van de aoldste bewoonde gedeeilten van [[Nederlaand]]. Binnen de gemeeinte liggen in totaol twaolf [[hunebed]]den. Daornaost zie'j in de umgeving van [[Anlo]] veul [[grafheuvel]]s. Dit westelijke deeil wordt kenmaarkt deur een [[esdörp]]enlaandschop. Naost Anlo waren ok [[Raol]] en [[Balloo]] in de [[middeleeuwen]] vergaoderplaotsen veur de [[Etstooul]], doou 't hoogste bestuurlijke en juridische college van [[Drenthe]].

't Oostelijke gedeeilte van de gemeeinte hef een veul kortere bewoningsgeschiedenis. De [[vene (grondsoort)|veengebieden]] langes de Hunze bint vanoet de dörpen op de Hondsrug ontgonnen, veural [[Annen]], [[Iekst]], Geeiten en [[Gasselt]].

== Waopen en vlaag ==
De neie gemeeinte hef derveur kozen een nei waopen an te nemen, waorin gien van de waopens van de aolde gemeeinten weer is te vinden. 't Waopen besteeit oet een greuin (sinopel) vlak, waorop een tralied dubbel kroes steeit in 't gold. In 't eerste kwartier steeit een golden leliekroon. 't Waopen wordt dekt deur een golden kroon met dreei blaoder en tweei paorels. 't Wordt vastholden deur tweei reebokken.

De leliekroon in 't eerste kwartier verwiest naor [[Maria]], die ok in 't waopen van [[Drenthe]] veurkomp, en naor 't feit dat de etstooul eerder vergaoderde in plaotsen die in de gemeeinte liggen. 't Traliede kroes verwiest naor de tweei historische heufdroutes die deur de gemeeinte lopen: [[Grunnen (stad)|Grunningen]] - [[Coevern]], over de Hondsrug, en [[Assen]] - [[Geeiten (Drenthe)|Geeiten]] en wieder naor [[Veendaam (dörp)|Veendaam]]. Dat bint noou de [[N34]] en de [[N33]].

De gemeeintevlaag is van 't waopen ofleid. 't Greuin in de vlaag (en in 't waopen) is een verwiezing naor 't boerse karakter van de gemeeinte.

== Kernen ==
De gemeeinte Aa en Hunze hef 35 officiële kernen. 't Gemeeintehoes steeit in Geeiten.

=== Dörpen en gehuchten ===
[[Amen (Aa en Hunze)|Amen]], [[Aandern]], [[Anlo]], [[Annen]], [[Annerveensekenaol]], [[Balloërveld]], [[Balloo]], [[Deurze]], [[Iekst]], [[Ieksterveen]], [[Ieksterveensekenaol]], [[Ieksterzaandvoort]], [[Ekehaor]], [[Eldersloo]], [[Eleveld]], [[Gasselt]], [[Gasselterneiveen]], [[Gasselterneiveensemond]], [[Gaastern]], [[Geelbroek]], [[Geeiten (Drenthe)|Geeiten]], [[Geeiterveen]], [[Grol]], [[Marwieksoord]], [[Nei-Annerveen]], [[Neie Diep]], [[Nijlande]], [[Nooitgedacht (Aa en Hunze)|Nooitgedacht]], [[Aold-Annerveen]], [[Papenvoort]], [[Raol]], [[Schipbörg]], [[Schoonloo]], [[Spiekerboor (Aa en Hunze)|Spiekerboor]], [[Vredenheim]]

=== Buurtschoppen ===
Naost dizze officiële kernen he'j in de gemeeinte de volgende [[buurtschop]]pen:

[[Achter 't Holt]], [[Baoreveld]] (dails), [[Bonnen]], [[Bonnerveen]], [[Bosje]], [[Broek (Aa en Hunze)|Broek]], [[De Hilte]], [[Gasselterboerveen]], [[Gasselterboerveensemond]], [[Gasselterneiveensemond Eerste Dwarsdiep]], [[Gasselterneiveensemond Tweeide Dwarsdiep]], [[Geeiterzaandvoort]], [[Kostvlies]] en [[Veenhof (Aa en Hunze)|Veenhof]].

==Stedenbaand==
* [[Polen]]: [[Żerków]]
* [[Tsjechië]]: [[Opočno]]

{{Drenthe}}
{{Commonscat|Aa en Hunze}}

{{DEFAULTSORT:Aa En Hunze}}
[[Kategorie:Drèents artikel]]
[[Kategorie:Gemiente in Drenthe]]