Shaggy (artist)
Orville Richard Burrell CD (22. oktober 1968), better bekend under synen artistenname Shaggy, is nen jamaikaansken musikant den as groute wearldhits had med de nummers "It Wasn't Me", "Boombastic", "In the Summertime", "Oh Carolina" un "Angel". Hee is söäven mål vöäredraegen vöär nen Grammy Award un wün ne twey mål, in 1996 med Boombastic vöär Best Reggae Album un in 2019 med 44/876, wat ne samenwarking was med Sting. Ouk hevt hee nen Brit Award up name vöär Besten Internationalen Manneliken Soloartist in 2002.
In 2007 wör he ridderd as Commander in de Jamaikaanske Orde van Underskeiding (CD). In 2022 kreag he by Brown University syn eyrvulle diploma as Dokter in de Kunsten.
Vroge leaven[bewark | bronkode bewarken]
Burrell wör geboaren up 22. oktober 1968 in Kingston, Jamaika. Do as he 18 was, verhüüsden he med syn moder når Stad Nyjork in de Vereynigde Ståten.
In 1988 güng he by et amerikaanske leager, in et Korps Marineers. Hee was by de veldartillery, by et 10. Marineersregiment in den Persisken Gulvoorlog. Up den 4. mei 1992 kreag he et untslag. Nå twey degradatys güng he der uut as lanskorporaal, ümdat he voordan afweasig was ümdat he argens must uptreaden. In syne deensttyd skarpeden hee ouk syne bekende 'toasting'-stemme an.
Persöönlik[bewark | bronkode bewarken]
In 2014 trouwden Burrell med syn leavensgeselle Rebecca Packer, wåras hee al heyl wat jåren med samen is. Med mekander hebbet se dree dochters. Burrel hevt ouk noch twey söäns uut ne eyrere verbindtenis. Syn söäne Richard O'Neil Burrell is nen amerikaansken rapper den as uptredt as Robb Banks.
In 2022 studeerden hee af an de Brown University, as Dokter in de Kunsten.
Shaggy steyt bekend üm syne vrygeavigheid. Hee gevt gül an gode dolen, med name en kindersekenhuus in Kingston hevt vöäle an em to danken.