Zwolse Dialektkringe

Op zien Zwols: woordenboek van de Zwolse taal was 't risseltaot van laank wark deur de Zwolse Dialektkringe.

De Zwolse Dialektkringe is de Zwolse warkgroep van 't samenwarkingsverbaand Dialektkringe Salland en OostVeluwe, det op zich weer diel uutmak van 't Verbond van Nedersaksische Dialektkringen. De veurzitter van de Zwolse Dialektkringe is vandage de dag de Zwolse leraar in röste Dick Visscher. De plaatselijk bekende schriefster Minke Kraijer is lid van de Kringe.

De Kringe wördden in 1986 opericht deur 't echtpaar Wim en Henny Lubberding, oorspronkelijk uut Dèventer en in Zwolle woonachtig. In 2006 verscheen De Kringe rond. Sketsies deur leden van de Zwolse Dialektkringe, mit bijdrages van zeuventien leden.

Grootste waopenfeit van de Kringe is de uutgave van Op zien Zwols: woordenboek van de Zwolse taal (Kampen: Iesselakkedemie, 2009), onder redactie van Philomène Bloemhoff-de Bruijn, Minke Kraijer, Henk Mulder en Dick Visscher. Al bij de oprichting van de Kringe was der begund mit 't gaarden van Zwolse woorden. Alle maonden kwamen de groepsleden daorveur bij menare; de woorden wördden opetiekend deur Lies Kok en Minke Kraijer. In 1999 begunde de fase um een boek te maken van de woordenverzameling. Dreientwintig jaor nao de eerste warkzemheden was de klus daon en kwaamp ok de centerije rond.

In 2008 gaf de Kringe an te vergriezen en gien neie anwas te kriegen.

Bronnen

• MijnStadMijnDorp aover Minke Kraijer
• Philomène Bloemhoff-de Bruijn (2010), 'Zwolle heeft nu ook een woordenboek. Na Deventer en Kampen', in Zwols Historisch Tijdschrift, 27e jk., nr. 1
• 'Gebrek aan interesse nekt dialect', De Stentor, 29 oktober 2008