Zwartemeer
| Zwartemeer | ||
Dorp in Nederlaand 
| ||
| ||
| (Wapen van Zwartemeer) | ||
| ||
| Bestuur | ||
| Provinsie |  Drenthe
| |
| Gemeente | Em | |
| Geografie en bevolking | ||
| Inwonners |
3130 (2004) | |
| Koordinaten | 52° 43′ N, 7° 3′ O
| |
| Aoverig | ||
| Belangrieke verkeersaoders | A37 | |
| Netnummer | 0591 | |
| Postkode | 7894 | |
| Offisiële webstae | ||
| gien | ||
Zwartemeer is een dorp in de gemiente Em, provinsie Drenthe, an de Duutse grens.
Geschiedenis
[bewark | bronkode bewarken]Zwartemeer is als dorp ontstoan in 1871 ten zuuden van het Swarte Meer. Dit was een 100 hectare groot veenmeer dat de eursprong was van de Runde en bie de ontginning verdwenen is. De kolonisten waren grotendeels afkomstig uut de katholieke gebieden van Twente en van over de Duutse grens, woardeur de huudige bevolking in overgrote meerderheid een katholieke achtergrond hef en d'r veul Duutse achternamen in het telefoonboek te vinden bunt. Zwartemeer is een veenkolonie, oorspronkelijk bestoande uit lintbouw langs de Kamerlingswieke, een zuudelijke vertakking van de Verlengde Hoogeveense Voart. Later is het dorp naar het noorden 'opschoven' met neibouw langs de Verlengde Hoogeveense Voart zölf. Veural noa de Tweede Wereldoorlog is het dorp uitbreid met enkele neibouwwieken.
Veurziening
[bewark | bronkode bewarken]Zwartemeer hef een openbare ('t Swarte Meer), een Rooms-Katholieke (De Banier) en een protestants-christelijke basisschool (de Proam), sporthal De Eendracht woar veurnamelijk in handbalt wordt en sportpark De Koel, woar de Zwartemeerse Boys speulen, het Sportlandgoed woar a'j golfen en paintballen kunt, een Spar supermarkt met postagentschap en wat andere winkels en horecagelegenheden. Het gef d'r drie kerken: de Nederlands-Hervormde kerke aan de Mollemastroat, de Rooms-Katholieke Verrijzeniskerke en een Gereformeerde kerke. Aan het zuudeinde van de Kamerlingswieke, woar het oorspronkelijke dorp Zwartemeer ontstoan is, stiet de oale Rooms-Katholieke Sint-Antoniuskerke uit 1921. De kerke, nouw een rieksmonument, wordt bruukt veur tentoonstellingen, katholieke gebedsgroepen en zo af en toe een Tridentijnse H. Mis. In 2002 ontstön d'r wat lokale commotie, umdat in deze katholieke veenbasiliek de omstreden Priesterbroederschap Sint Pius X een Mis opdroeg.
Geografie
[bewark | bronkode bewarken]De umgeving van het dorp kenmarkt zich deur landbouwgebied (veenontginningen) en een klein bos ten noorden van de Verlengde Hoogeveense Voart. Ten zuuden van het dorp lig het laatste grote hoogveenreservaat in Zuudoost-Drenthe, het Bargerveen. Aan de andere kaant van de laandsgrens liggen ook nog veengebieden. Het dorp ligt aan de A37 (Hoogeveen - Duitse grens), die pas is uutbouwd tot snelweg. In Duitsland slöt de weg aan op de Duitse A31, de noord-zuud verbindingsader tussen het Ruhrgebied en Oost-Friesland.
Sport
[bewark | bronkode bewarken]In 1955 maakte de Voetbalvereniging Zwartemeer de overstap noar het betaald voetbal. In 1966 werden de amateurs en de profs gescheiden en gingen de laatsten verder onder de naam Sportclub Drenthe. In 1971 werd het betaalde voetbal beëindigd. In 1954 is handbalvereniging Hurry Up opricht, een verenining die al gauw in de hogere regionen van het nederlandse handbal speulde en noast E&O de miest bekende Drentse handbalploeg is. Het huidige Hurry Up hef 5 herenteams en 3 damesteams. Het eerste herenteam speult dit joar in de nederlandse eerste divisie, het eerste damesteam speult Regioklasse A. Elk joar organiseert Hurry Up het Fokke de Vries toernooi, vernuumd noar de veurzitter die eind joaren 90 verongelukte. Het toernooi genöt grote bekendheid en was de afgelopen joaren bezöcht deur zowel nationale eredivisieploegen als ok internationale teams, zoas de reserves van Duutse eredivisionist Nordhorn.
|
Commons: Zwartemeer - plaatjes, filmkes en/of gelüüdsbestanden. |