Wikipedie

Oet Wikipedie, de vraaie enzyklopedie
Gao naor: navigasie, zeuk
t Beelmärk van Wikipedie

Wikipedie (Engels: Wikipedia) is n projekt van de Wikimedia-stichting, die as doel ef um in elke tääl een volledige en rechtenvri'je ensyklopedie op t internet te mäken. Naost typiese ensyklopedie-artikels he'j op Wikipedie ok informasie die väke in verband ebracht wordt mit almanakken, spesialistiese tiedskriften en zäken die in t ni'js bint. De artikels op de wiki's worden eskreven deur verskillende vri'jwillige auteurs. De naam Wikipedie/Wikipedia is n samentrekking van wiki (Awaïaans veur vlogge) en ensyklopedie.

Onder de pärreplu van de Wikimedia-stichting bint verskillende projekten, waorvan Wikipedie t oldste, bekendste en suksesvolste projekt is. De organisasie Wikipedia zit in Florida, Amerika en ef gien winstoogmärk. Wikipedie is esticht deur Jimmy Wales en zien medeoprichter Larry Sanger. In 2003 draagden Wales zien rechten op de naam Wikipedie, de webstee zelf en de servers waorop ze dreiden, over an de Wikimedia-stichting. Disse stichting ef Wales op-ericht um veur n lange tied t be-old en de värdere ontwikkeling van Wikipedie meugelik te mäken. De stichting laeft zwat alleend mär van giften en ef n kleine onderd betaolde medewärkers in dienst. Mär Wikipedie zelf wordt deur vri'jwilligers beheerd en eskreven.

Umdät de artikels deur elke bezuker bewärkt kunnen worden, gef Wikipedie gien garansie dät de artikels ok daodwärkelik goed eskreven bint. Vandalisme is väke n probleem, veural bi'j de wat grotere Wikipedieën.

t Wikipedie-projekt is begunnen op 15 jannewaori 2001, mär bestun toe alleend nog mär in t Engels. De eerste anderstälige versie was in t Frans, en begun op 23 meert 2001. De Nedersaksiese versie van Wikipedie is begunnen op 23 meert 2006 en ef noe 5.355 artikels. t Internetadres van de Nedersaksiese Wikipedie is http://nds-nl.wikipedia.org/. De Engelse versie is t grootst en ef roem 3.500.000 artikels. In totaal waren der in 15 jannewaori 2011 meer as 17 miljoen artikels te vinden op iel Wikipedie in 278 verskillende tälen en streektälen.

Zie ok[bewark | bronkode bewarken]

Nuvola apps ksig.png Dit artikel is eschreven in t Oost-Veluwse dialekt van Attem, in de Algemene Nedersaksiese Skriefwieze.