Wierde (toponiem)

Oet Wikipedie, de vraaie enzyklopedie
Gao naor: navigasie, zeuk

n Wierde (ook Hoogte nuimd) is n kunstmoatege heuvel, opworpen om bie hoogwoater n dreug stee te hebben. De noam komt veural veur in Grunnen. In Fraislaand wordt t n taarp nuimd, houwel ook in Fraislaand nogal wat ploatsnoamen ìndegen op werd of ward (Leeuwerd, Bolswerd, enz.). In Noord-Duutslaand hait zonnen heuvel n Warft.

t Woord wierde komt of van hail old Frais woord "wurth ` woarvandoan werd of -ward is ofleid."; Wierden wuiren nait allind môkt om deur minsken bewoond te worden, môr ook om n kìrkhoof of t vai te beschaarmen en om der soorten griefholt op gruien te lôten.

De wierden wuiren opworpen op al hogerlegen stees. Vandoar dat zai voak op n rige liggen en n zaandrogge vörmen. n Schier veurbeeld is de oetloper van de Hondsrog: Oadörp, Saauwerd, Ezinge, Winzum, Bavvelt, Raskert, Waarvum, Oskert, mit doartuzzen almoal klainere wierden.

Waarvum is wat oppervlak aangaait t grootste wierde van Nederlaand, Hogebeintum de hoogste wierde/taarp.