Vlekke

Oet Wikipedie, de vraaie enzyklopedie
Gao naor: navigasie, zeuk

De benaming vlek is in Nederlaand vanolds veurbeholden veur neaderzettingen mit steadeleke kenmarken dee géne stad bunt.

Gebruuk[bewark | bronkode bewarken]

Doarmet kump de vroage welke plaetse as stad könt wödden beneumd. Nederlaand kent op dit gebeed ginne wetgevving meer. Vanof de tied dat den titel stad neet meer is veurbeholden an plaetse met stadsrechten (rechten op markten, tolheffing, ne umwalling, rechtsproake, wetgeaving en zelfbestuur) wödden alle grotere plaetse as stad beneumd. De beneuming vlek is doarmet oaverboadeg ewödden. In et gebruuk hef vlek zelfs ne heel andere betekkenis ekreggen: dee van unbedudende neaderzetting, n vleksken op de kaarte (tegeliek mit dizze veraandering van betekkenis is het vlek ok den vlek ewödden). De ni-je betekkenis is dus feajlek het teggendeel van de olden betekkenis: dee van groot darp.

Frieslaand[bewark | bronkode bewarken]

De benaming vlek leaft in ziene olde betekenis nog wieter in de previnsie Frieslaand, woar de Friese elf steden zich op groand van historiese rechten onderscheidt van (mangs grotere) plaetse as Bargum, Drachten, Gorrediek, Et Vene, De Jouwer, De Lemmer en Makkum.

Marktvlek[bewark | bronkode bewarken]

Et was vrögger veural zwoar vlekken van darpen te onderscheiden. Zie waren in elk geval groter en hadden mangsmoal ne markt (vandoar de benaming marktvlek; zee ook marktrecht). Neet Frieslaand moar Noord-Braobant was bi-j uutstek de previnsie woar vlekken veurkwamen: Moergestel, Oirschot, Oosterwiek, Oosterholt, Oss, Oldenbosch, Tilburg (in de 18de eeuwe et 'volkriekste vlek van de Kempen'), Waalwiek en Zevenbargen. Plaetse doarbuten dee ne bepoalde tied vlek waren: Schoagen en Wenterswiek. Kaapstad wöd Kaapsen Vlek eneumd.

Butenlaand[bewark | bronkode bewarken]

Ok in Duutslaand kump de beneuming Flecken of Marktflecken veur. In Noorwegen kump et weurd veur in den plaatsname Flekkefjord. De Tsjechischen beneuming is městys en duudt ok op ne plaatse zunder stadsrechten mét ne markt.