Vicus

Oet Wikipedie, de vraaie enzyklopedie

Et Latiensen weurd vicus betekkent 'gehucht' of 'wiek'. In den betekkenis 'gehucht' wöd et bruukt veur nen darp van viefhonderd tot doezend inwonners. Nen vicus was in den Romiensen tied mangs nen neaderzetting bi-j nen Romiens castellum (leagerploats) of nen klein stadjen dat op den kruusing lag van belangrieke handelsweagen en mangsmoal nen handelsplaetse was. In den middeleeuwn duudden et weurd vicus op nen kleinen neaderzetting dee zelf vlak bi-j nen stad lag, ok weal te vergelieken mit nen veurstad, moar wisse neet zo groot.

Den Utrechtsen buurte Oldwiek is bi-jveurbeeld ontstoan uut en verneumd noar nen doar eleagen vicus in den middeleeuwn. Hetzelfde geldt veur Wiek bi-j Duurstede, dat nen vicus was bi-j et (toon belangrieken) Dorestad. Belgiesen veurbeelden bunt et darpjen Velzeke, woar nen belangriek Gallo-Romiens museum steet, en Cortoriacum (Kortriek).