Stee-en-stoetje

Oet Wikipedie, de vraaie enzyklopedie
Gao naor: navigasie, zeuk

Stee-en-stoetje (Engels: Bed and Breakfast) is n logeerarraanzjemìnt woarbie de gast enkeld ain nacht verblift en smörns noa t mörnseten weer vot gaait. De gasten hebben n aigense koamer, voak bie n boer of n partikulier dij n spesjoale inbaauw moakt het veur gasten. Voak bevinden stee-en-stoetje's zoch in leutje dörpen dij te klain binnen veur n groot hotel. Zai worden voak opricht deur partikuliern dij t leuk vinden om mit mìnzen te waarken, môr gain groot bedrief hebben willen.

De pries veur n stee-en-stoetje is voak gunstiger as n hotel en is den ook wat minder lux. Mìnzen dij noar n stee-en-stoetje goan, dudden dat voak veur de gezelleghaid en knushaid of omdat zai enkeld ain nacht overnachten hovven.

In t Verainegd Keunenkriek en Ierlaand binnen hail veul stee-en-stoetjes en is t ook hail gebrukelk dat aine doar gebruuk van môkt. In Nederlaand wordt dit wat minder doan.

Stee-en-stoetje is ook de noam van n stee-en-stoetje-lozjemìnt in t Westerwoldse Vraiskeloo.

Nuvola apps ksig.png Schreven in t Oldambtsters