Skaakn

Uut Wikipedia, de vrye encyklopedy
de verskeaidene skaakstukke op de riege. vlnr: Keuning, Toorn, Keuniginne, Pion, Peard en Leuper

Skaakn is n brödspel vuur twee persoonn. Beaide spöllers hebt zesteen skaakstukke: 8 pionn, 2 pearde, 2 toorns, 2 leupers, nen keuning en ne keuniginne. t Doel is um n keunink van n teegnspöller vaste te zetn, zodet he ginnen kaant mear oet kan ("skaakmat zetn").

Umdet ieder stuk wier aandere eegnskopn hef, en iedern zet wier aandere meugelikheedn en bepärkingen opleawert, hebt de spöllers völle inzicht neudig en mood um bepoalde beslissingn te nemn.

Stukke[bewark | bronkode bewarken]

Elk skaakstuk hef zin eegne meugelikheedn.

  • Pionn köant per buurte mer 1 trad vuurwearts. Allene vanof n beginplek magnt ze 2 trad vuurwearts. Um n aander stuk te 'sloan' magnt ze skuuns noar vuurtn. As n pion an de oawerkaante keump (op de achterste riege van de teegnpartieje), mag n spöller t stuk opweardeern noar de "heugere" stukke, zo as bv. Leuper, Peard, Toorn of Keuniginne.
  • Pearde magnt allene in L-vorm beweagn. Dit beteeknt bievuurbeeld 2 väks noar vuurtn en 1 opzied, of 2 väks opzied en 1 noar vuurtn. Dit is t ennigste stuk wat vuurbie aandere stukke mag springn.
  • Leupers mangt allene skuuns t bröd oawer. Dit mag zo wied as meugelik is, mer nit vuurbie n aander stuk.
  • Toorns magnt rechtoet en opzied oawer t bröd verplaatst wordn, mer nit vuurbie aandere stukke.
  • De Keuniginne magnt alns, behalve n peardesproonk en ook nit vuurbie aandere stukke.
  • n Keuning mag per keer mer 1 trad en nit vuurbie aandere stukke, mer wal in alle richtingen.

Spelverloop[bewark | bronkode bewarken]

Duur mekoar mag n spöller met de witte stukke beginn. t Verloop is op te deeln in de opening, t middelspel en t eandspel. Dr zal in t begin aait met n pion of met t peard estartt wordn, umdet de rest blokkeerd steet achter de eegne stukke. Dr zeent n antal standaard skaakopeningn, dee't volledig oawerdacht zeent duur de joarn hen, en dee't vuur de spöllers t vuurdeligst zeent.

Sloan[bewark | bronkode bewarken]

As n stuk van de teegnpartieje binn t bereik van n eegn stuk steet, kan n spöller t stuk 'sloan' duur t eegne stuk op de plek van n teegnspöller te zetn en t 'ewunnene' stuk van t bröd te haaln.

Rokeern[bewark | bronkode bewarken]

As n Keuning en n Toorn seend t spelbegin nog nit bewöagn zeent, kan n spöller dr vuur kiezn um te rokeern. hierbie geet n Keunink twee trad opzied en spreenk n Toorn dr oawerhen.

Dit artikel is eskreaven in et twentsk.