Perspektivisme

Oet Wikipedie, de vraaie enzyklopedie
Gao naor: navigasie, zeuk

Perspektivisme is de gedachtenisse dat alls van uut 'n bepoalde hoeke bekekken wödt.

't Woord 'perspectief' kömp van 't Latijnse perspicere: arns deurhen kieken, iets duudlik zien of iets gewoar wörn. In de teengnwoordige fillesofie hef 't woord 'n heul aandere bi-jklaank of gevuulsweerde.

't Begrip verwes, veural deur invloeden van Friedrich Nietzsche, noar 't höast kompleten onvermeugen van de meanse umme trugge te gaon töt de leste begunsels. 't Ienige wat veur de meanse verschent bint 'n veulheid van over mekare hen vallende en met mekare in stried wezende perspektieven. Nietzsche brek met de illusie van de 'waore warklikheid' en benaodrukt dat wi'j de warklikheid uutslutend fragmentaries kunt ervaoren.

't Begrip is deur Leibniz in de filesofie introduceerd.

Perspektivisme ledt töt de vraoge of waore kennis van de warklikheid aggirne wel meuglik is. Is 't meuglik de warklikheid te zien op de meniere zo as e is? Met name in de hermeneutiek höldt men zich met disse vraoge drok.

Nuvola apps ksig.png Dit artikel is eskreven in t Sallaands.