Mooi Wark

Uut Wikipedia, de vrye encyklopedy

Mooi Wark is nen boernrock-band oet Dreante. Mooi Wark is op erichtet in 1992 duur Bert Koops (zaank en gitaar) en Henk Oosting (Basgitaar en zaank). Ze zingt in t Dreants met völle Nederlaandse invlood.

Beginjoarn[bewark | bronkode bewarken]

In de beginjoarn spöldn Mooi Wark nummers dee't völle weg hadn van nummers van Normaal. Det was umdet Koops n onmeundig anhanger van den band was. t Was op n gegeewn oognblik zo slim det he half Achterhooks zung.
In t Radio Drenthe-programma Muzementen van Jans Polling kreeg Mooi Wark völ andacht. Oonderdoems was n band al an evuld met n drummer Arjan Elting en zochtn ze nog nen sologitarist. Dit wör Bert Hoezen (spölt non bie Blues Avenue). Zo begun Mooi Wark te oefenn in Oring.
t Eerste optreedn was in Troapel. Nog denzelfden zommer wör t eerste album op enömn. Doarvan is t nog aait nit duudelik wo t non feailik het (Zwoegen in t Heuj of Of niet dan?).

Ze kwamn in t vuurprogramma van bekeande bands zo as Golden Earring, Rowwen hèze, De Dijk en öare grote vuurbeeldn Normaal. Disn lestn band har wal belang bie t nummer Vissen van Mooi Wark. Doar is t allene nit van ekömn umdet Mooi Wark de auteursrechtn nit wol ofstoan.
Mooi Wark kreeg n plaatnkontrakt an eböadn bie plaatnmaker Telstar van Johnny Hoes, woermet ze n antal plaatn hebt oet ebracht.

Spöllerswissels[bewark | bronkode bewarken]

Duurdet t nit zo good gung as wat ze ehopt hadn en umdet ze toch good spul mosn skriewn, kreegn wat leedn wöarde met mekoar oawer wo as ze verdan mosn. t Plaatnkontrakt wör verbrökn en Bert Hoezen verleut Mooi Wark. Doarvuur in de plaatse köm Henry de Groote (wörd non Bikkel eneumd). Arjan Elting en Henk Oosting gavn t ook op, mear noa n zetjen köm Bert Hoezen wier terugge. Met nen niejn drummer en nen niejn bassist zorgen Mooi Wark zelf vuur öar 2e album Zo Plat As Wat. Tot ongevear 2001 wisseldn Mooi Wark regelmoatig van spöllers.

n Konstaantn[bewark | bronkode bewarken]

n Ennigstn wat van begin tot rechtevoort aaltied lid hef ewest van Mooi Wark is Bert Koops. Hee is de leste joarn n bestn bol verdreantst, wat Mooi Wark zin Dreantse karakter gef. De vroage woerumme of he in t Dreants zeenk, beantwoordn he met: "Ik kan gin Engels, en mien Hollaands is te slecht" *. Hee is duur de joarn hen ook aaltied n belangriekstn tekst- en leedkesskriewer ewest. Toch kreegn de aandere leedn met de komst van bassist William (Billy) Bossong en Arnold (Garfunkel) Kuikook mear insproak. Hierduur blik Mooi Wark t good vol te hooldn.

Hudige bezetting[bewark | bronkode bewarken]

De band besteet non oet Bert Koops (heuwdzaank en gitaar), William Bossong (basgitaar), Arnold Kuik (gitaar) en Dennis Hendriks (drums). Bie de optreedns geet t vuural um improvisasie en t ouwehoern met t publiek.

t Duurbrekn en rechtevoort[bewark | bronkode bewarken]

Seend 2002 hef Mooi Wark ne vaste bezetting en det hef ehulpn. De optreedns wordt grötter en t antal anhangers ook. Dr is al nen fanclub in leawn ereupn.

Met t nummer Idioot breuk Mooi Wark pas echt duur. Dit leed wör völle dreeid op t radiostasjon Simone FM en ook in n piraatnkreenk kreegn ze völ andacht.

Völle regionale zeanders dreeidn t heanige nummer Van t Platteland vaake. t Nummer In de Blote Kont wör laandelik bekeand. Noar anleaiding hiervan wör Mooi Wark eneugnd bie de 3FM DJ's Giel Beelen en Rob Stenders, wat öar nog mear naamnsbekeandheaid gaf.

Albums[bewark | bronkode bewarken]

  • 2008 Bok 'm d'r op
  • 2006 Gewoon Idioot
  • 2004 Smeer
  • 2003 Only Rock 'n' Roll!
  • 2001 Gang op de Ket
  • 1999 Kieken wat 't wordt
  • 1996 Zo plat as wat
  • 1992 Zwoegen in't heuj

Singles[bewark | bronkode bewarken]

  • 2009 Tepels liegen niet
  • 2008 Schijt aan regels
  • 2007 Achter de tent / Van het platteland
  • 2007 In de blote kont / Bier, patat en rock n roll
  • 2006 Bokkie of Geittie / De Pieteroliekar
  • 2005 Idioot / Geil als een bossie siepels
  • 1998 Janny / Altied tegen de draod in
  • 1993 Vakantie in 't café / Veuls te vroeg
  • 1992 Morgen Weer / Ik zol zo graag

Oetgoande verbeendege[bewark | bronkode bewarken]

www.mooiwark.nl Offisjele webstea van Mooi Wark

Disse pagina is eskreewn in t Riesns