Melito van Sardes

Oet Wikipedie, de vraaie enzyklopedie
Gao naor: navigasie, zeuk

Melito van Sardes (ok espeld as Meliton van Sardes, Grieks: Μελίτων Σάρδεων ) was 'n schriever uut de tweede eeuwe en opziener van de gemiente Sardes in Klein-Azië. Hi'j wödden erekkend töt de Apologeten, de geleufsverdedigers uut de tweede eeuwe nao Christus. Hi'j störven ca. 180 n.C.

De karkhistoricus Eusebius van Caesarea is de belangriekste bronne van informatie over zien lewen en wark. Hi'j vermelden de volgnde warken: "Van Melituo twee boeken over 't Paosfeest, over Lewenswandel en de profeten, over De karke, en 'n boek over De dag des Heeren; ewenzo over 't Meanslik geleuf, over De schepping, over Geleufsgeheurzaamheid en de zintuugg; bowendien over Ziel, lichaam, over De doop, over De woorheid, en De geboorte van Christus; ok nog 'n boek van hum over Profetie, over Ziel en lichaam, over Gastvri'jheid, De Slöttel, over De duvel en De openbaring van Johannes, ok over De lichaamlikheid van God; tenslotten is door 't Verzuukschrift an Antoninus."

Paoshomilie[bewark | bronkode bewarken]

De paoshomilie is 't ienige compleet bewaorde geschrift van Melito. Hierin betoogt e an de haand van Exodus 12 dat Jezus Christus 't woore paoslam is. Disse paoshomilie is bekend ewöden vanwege zien stark anti-Jeudse sentimenten. Melito beschuldigt de Jeuden naamlik van deicide, de moord op God.

Nuvola apps ksig.png Dit artikel is eskreven in t Sallaands.