Laauwers

Oet Wikipedie, de vraaie enzyklopedie
Gao naor: navigasie, zeuk
Laauwers

De Laauwers (of Laubeek) is n revier dij vuur n groot paart de grins tuzzen de Nederlaandse provìnzies Frieslaand en Grunnen vörmt.

De revier is de noamgever van de oorspronkelke Laauwerszee en t noudagse Laauwersmeer.

De revier, den nog n beek, ontspringt ten zuudoosten van t dörp Suurhoesterveen. Bie Gerkesklooster/Strobosk kruust de Laauwers t Prinses Margrietknoal/Van Staarkenbörgknoal.

Woar de Olle Voart ien de Laauwers uutmondt, bie de Schaalkendam, krigt t de bredte van n revier. Even wieder splitst de revier zok ien n Friese toek, de Olle Laauwers, en n Grunneger toek, t Zieldaip, dij even ten noorden van Paiderziel weer bie mekoar kommen.

Ten noorden van Munkeziel wordt t via de Munnekezielsterried omleid om bie Zoltkamp vuurbie t Friese ziel ien t Laauwersmeer alsnog soamen te kommen mit t Rietdaip.

Feitelk is de oafstrulln van t gedielte ten noorden van Strobosk noar t zuden richt. t Friese ziel wordt allend bie neudgevaaln bruukt.

De geul tuzzen Aailaand en Röttumerploat heet ook Laauwers en ken zien worden as de vuurtzetten van de revier over de Waddenzee. Vandoar dat Aailaand Fries is en Röttum Grunnegs. De geul ten noorden van Waarvum dij oetmondt ien de Laauwers heet Zuudoost-Laauwers.

Nuvola apps ksig.png Schreven in t Westerkertiers