Kopstubber
n Kopstubber is n bezzem mit n kop van hoaren dij n kogel vörmen. De kopstubber wordt ook wel n iegelbezzem nuimd, omdat de kop op n oprolde iegel liekt. De kopstubber wordt veuraal broekt om spinnewebben boeten vot te hoalen. Tegenswoordeg kommen kopstubbers nait veul meer veur. Kopstubbers kommen allend ien Nederlaand en omstreken veur en kinnen zowel van haarde hoaren, as van zaachtere hoaren môkt worden. De haardere hoaren binnen voak swienehoaren of kokosneutenhoar en binnen voak broen, ien tieds dat de swaarte zaachte hoaren voak van peerdenhoar of plestiek môkt binnen. t Woord kop betaikent spin en n stubber is dus n veger.
