Kakoubutter

Oet Wikipedie, de vraaie enzyklopedie
Gao naor: navigasie, zeuk

Kakoubutter is t vet dat van nature veurkomt in de kakouboon. Kakoubutter wordt moakt tiedens de verwaarken van braande kakoubonen. Dizze bonen worden moalen tot een soort vettege massa, de kakoumassa. De kakoumassa wordt doarnoa deur persen schaaiden in roewe kakoubutter en kakoupouder. Soms vindt der aanslutend n raffinoage en ontgeuren van de kakoubutter ploats.

Aaigenschoppen[bewark | bronkode bewarken]

Kakoubutter is bie koamertemperatuur vrai week en smeerboar, vandoar dat ze t ook butter nuimen. t Het n kenmaarkende geur en is wit tot lichtgeel van kleur. Kakoubutter smelt bie sikkom 36 groaden Celsius.

Gebroek[bewark | bronkode bewarken]

Kakoubutter wordt gebroekt bie t moaken van sokkeloa. Vrouger was t wettelek verplicht dat sokkeloa mit alleneg kakoubutter as vetbestaanddail moakt wuir, tegenswoordeg maggen ook aandere vetten gebroekt worden. Deur t lege smeltpunt van kakoubutter dat in de buurt van de lichoamstemperatuur ligt smelt sokkeloa in de mond.

Doarnoast wordt kakoubutter veul gebroekt in kosmetika, mit noam in dingen as lippenpommoade en aandere beschaarmende zalven. Ook hier is t lege smeltpunt belangriek: dat zurgt veur n makkelk oetsmeern van t produkt over t lichoam. Joe kinnen t gebroek in kosmetika herkennen aan de INCI-aanduden: Theobroma cacao, de Latainse noam veur de kakouboom.