Internetbankieren

Uut Wikipedia, de vrye encyklopedy
pas en reader van Fortis
pas en reader van Fortis

Internetbankieren is een term dee gebreukt wördt um an te geven dat een klaant zien bankzaken mit een banke via 't internet kan regelen. Zwat alle grote banken in Nederlaand biejen der klaanten een vorm van internetbankieren an. Veurdeel veur de banke is onder aandere de ofname van 't antal ofschriffen dee verstuurd mutten wörden. Veurdeel veur de klaante is de meugelijkheid um 24 uur per dag de bankzaken te regelen of te bekieken.

De toegaang tot de eigen bankzaken via 't internet verschilt per banke. Zo gebreukt de ABN AMRO-banke een e.dentifier um veilig an te melden. De Postbank gebreukt formelieren mit TAN-codes, dee per 100 op een lieste staon, of te ontvangen bin via een gratis sms. De SNS Bank gebreukt een Digipass um veilig an te melden. De Rabobank gebreukt 't Digipass-systeem mar ook 't Random Readers-systeem. De e.dentifier, de digipass én de random reader bin predukken van 't beveiligingsbedrief Vasco.

An 't einde 2005 is een nieje, deur ING Bank, ABN AMRO, Rabobank en Postbank ontwikkelde, betaolstandard veur drekte betaolingen op 't internet in-evoerd, iDEAL.