Henk Bleker

Oet Wikipedie, de vraaie enzyklopedie
Gao naor: navigasie, zeuk
Henk Bleker

Hinderk (Henk) Bleker (Onstwedde, 26 juli 1953) is n Nederlaandse politieker en was stoatssiktoares van Ekonomische Zoaken, Landbaauw en Vernijerij in t kabinet Rutte-I (2010-2012).

Zien leven[bewark | bronkode bewarken]

Bleker gruide op in n ARP-gezin en was zeun van n postman. Hai bezöcht van 1965 tot 1971 tou t Ubbo Emmius Lyceum in Knoal woar of hai zien hbs-a diploma hoalde. Hiernoa studeerde hai van 1971 tot 1977 tou politikologie aan Vrije Universiteit Amsterdam. Hai promoveerde juni 1984 in de rechtsgeleerdhaid aan de Rieksakedemie in Stad.

Van 1975 tot 1976 tou was Bleker belaidsmitwaarker op t Ministerie van Binnenlandse Zaken en Koninkrijksrelaties (ministerie van boetende zoaken), en was van 1976 tot 1984 tou onderzuiksmitwaarker bie juridische fakulteit van de Rieksakedemie, van 1984 tot 1999 tou zulfstandeg organisoatsieadviseur, van 1999 tot 2009 tou depteerde van provìnzie Grönnen en van 1 maai 2009 tot oktober 2010 dierkteur van RTV Noord.

Noadat Peter van Heeswijk vot ging uut t partaaibestuur noa de veur t CDA min verlopen Twijde Koamerverkaizens van 2010 wuir Bleker tot tiedelk veurzitter benuimd. Hai trad ôf as lid van t partaaibestuur en het zuch nait opnij verkaisboar moakt. Op 2 oktober 2010 zat Bleker t partaaikongres van t CDA veur in de Rijnhal in Aarnhaim woar de leden zuch oetluiten over t regeerakkoord van de CDA-VVD-soamenwaarken en t gedoogakkoord van de soamenwaarkenspartners en de gedogende PVV.

Henk Bleker is sunt 14 oktober 2010 stoatssiktoares van Ekonomische Zoaken, Landbaauw en Vernijerij in t kabinet Rutte. Ondanks dat de CDA in aalgemain de gedoogkonstruksie mit PVV steunt, het Bleker op verschaaidene wiezen waiten loaten nait zo wies te wezen mit summege standpunten van de PVV.

Persoonliek leven[bewark | bronkode bewarken]

Bleker is schaaiden en het twij zeuns en n dochter. Zien hobbies binnen voetbaal en t fokken van Welsh ponies. Doarnoast mag er geern Grönnegs proaten. Zo het er mitdoan aan "t Grunneger Diktee" van RTV Noord in 2010 en doarveur het er voak Grönneger oavends presenteerd, onder aander in gemainte Vlagtwedde. In parlement dut er den ook nait aal te veul muite om zien Grönnegs aksìnt te verbaargen.