Haskerhorne

Oet Wikipedie, de vraaie enzyklopedie
Gao naor: navigasie, zeuk
Haskerhorne

Haskerhorne (Fries: Haskerhoarne, plaetselik ok wel De Hoarne nuumd) is een dörp in de gemiente Scharsterlaand in de Nederlaanse perveensie Frieslaand. Et leit in et zuudoosten van De Jouwer, in et zuden van de A7. Haskerhorne had in 2004 omdebi'j 490 inwoners.

De naeme zol verwiezen naor de hoeke ("horne") van Haskerlaand, waor et dörp leit. Haskerhorne beheurde in de middelieuwen tot de grieteni'je Haskerfiifgea. Tot de gemientelike herindieling op 1 jannewaori 1984 beheurde Haskerhorne tot de gemiente Haskerlaand.

Et dörp het een begreefplak, waor alle (oold-)inwoners begreven kunnen wodden. Ok Hotze Brouwer leit d'r begreven. Veerder het et dörp een eigen tennisverieniging en ok het Haskerhorne een eigen schoeltien, de eupenbaore basisschoele 'De Lytse Mienskip' (Fries veur De kleine gemienschop), die veur et basisonderwies zorgt in et dörp. Veur de jongeren in et dörp is d'r 't Hokje. Dit jeugdhonk zit in een oolde stal die is blieven staon naodat een braand in 1972 de boerderi'je hielendal verwoeste.

Sund 2007 het Haskerhorne een eigen waopen en vlagge. Et wodde ontwikkeld ter gelegenheid van et 100-jaorig bestaon van Dörpsbelang.

In 1897 wodde in et dörp een koperetieve zuvelfebriek sticht. Disse febriek hebben ze in de jaoren zeuventig sleuten. Et dörp het sund die tied niet veul te bieden wat warken angaot, mar wel wat rust en genieten angaot.

In et noordoosten van Haskerhorne liggen de Haulsterbossen.

Bevolking[bewark | bronkode bewarken]