Ebionieten

Oet Wikipedie, de vraaie enzyklopedie
Gao naor: navigasie, zeuk

De Ebionieten waren 'n jeudskristlike streuming van 't vrogge kristendom en deur de karkva's zo aneduud. Zi-j woonden op Transjordanië. De Ebionieten gebruken 'n eagen evangelie bekend as 't Evangelie van de Ebionieten, wukke 'n anepasten Evangelie van Matteus west zollen wèèn.

De benaming kump dunkt oons van 't Hebreewsen woord veur armen, Ebjonim. Dizze Ebionieten waren gelieke jeuds as kristlik, umdat zi-j de jeudse leer nie verwörpen. Zi-j geleuven dat Jezus de netuurlike zeune van SpiekerJozef en Marie was, mar bi-j de deup deur God was ‘uutekeuzen’ als de meest rechtschaopen meanse op aarde. Worumme as Jezus, voolgs heur, de aldereersten meanse waren die Gods Tora helemoale geheurzaamd hef. En deur zien geheurzaamheid an de Tora wörden e rechtvoardigd, en dorumme de Kristus enuumd.

Nöast de Hebreewse geschriften liekt zi-j 'n eagen (Hebreews of Arameese) varsie van 't Evangelie voolgs Matteüs, of 'n bewarkten varsie dervan (beveurbeeld gien geboorteverhaal van de maagdlike geboorte), te hebben ehad. Van dit Evangelie bint allinnig mar 'n gammel fragmenten bewoard eblevven die deur de karkva's as ketteri-jen neereschrevven wörden.

Ebionieten mossen niks wèten van Paulus, voolgs heur was Paulus 'n ofvallige jeude die de Tora verwarpen.

Nuvola apps ksig.png Dit artikel is eskreven in t Sallaands.