Doospiek

Oet Wikipedie, de vraaie enzyklopedie

Doospiek of Doorspiek (Nederlaans: Doornspijk) was een vroggere gemeente in Gelderlaand; 't is noe onderdeel van de gemeente Elburg.

De oldste vermelding van umstreeks 't jaor 800 hef 't over de Villa Thornspiic. Daoronder wödt een nederzetting mit een zekere kern verstaon, de plaose waor de eigenaar van 't laandgoed ewoend hef. Zo'n villa bestung eut verschillende boeriejen die soms zelfs op vrie grote ofstaand van 't middelpunt laggen. In 't jaor 1025 gaf koning Koenraod II dreje boeriejen in Dorenspic an zien diensman Werner. Mit disse vermelding van Doornspiek wödt een gebied an-eduud waorvan de grenzen vastesteld wönnen deur de karkelijke overheid. Zo'n karkelijk gebied heette een karspel (karkespel) en umvatte tenminsen 120 geleuvigen. De grenzen van dat karspel bin op een paor kleine veraanderingen nao liek alleens as gemeentegrenzen van de gemeente Doornspiek. In 1332 gebreuken de schepenen van Elburg bie een haandelsovereenkoms in 't Duutse Lübeck 't geheimzegel van Dorenspiet. Ze gaffen as verklaoring veur der haandelswieze: "Onze stad dreug oldtieds de naam Dorenspiet".