Daans

Uut Wikipedia, de vrye encyklopedy
Daans

Daans (lichtkaans uut et Ooldfraanse dancier of uut et Frankisch) is et ritmisch bewegen van et lief. Meerstal gebeurt daansen op meziek. Et is een vorm van jow uutdrokken, en kan allienig of tegere as sociaole aktiviteit daon wodden.

Een daans wodt meerstal op et dreuge uutvoerd, bi'jveurbeeld in zaelen, disko's en aandere eupenbaore ruumtes, of thuus veur de spiegel, mar ok in et waeter wodt d'r pattietoeren een daans uutvoerd. Veurbeelden van dit leste bin waeterballet en synchroonzwemmen. D'r bin ok pattie sporten waor vechtkeunsten kombineerd wodden mit daans; een veurbeeld hiervan is kata.

Dierewereld[bewark | bronkode bewarken]

Daans komt niet allienig bi'j meensken veur. Ok in de wiedere dierewereld wodt d'r daanst. Daor het een daans liekewel een betekenis aanders as ontspanning of dieverdaotsie. Et wodt meerstal bruukt om te kommuniseren en zo bepaolde lekaosies van bi'jveurbeeld eten dudelik te maeken. Daans kan in de dierewereld ok bruukt wodden om de vrouwgies te imponeren.

Daansstielen[bewark | bronkode bewarken]

D'r bin slim veul verschillende daanssoorten; hieronder staon een antal bekende.