Cola

Oet Wikipedie, de vraaie enzyklopedie
Gao naor: navigasie, zeuk

Cola is nen frisdraank met koolzoer dr in. t Smaakt zeute, mer is wat zoergroad (pH) betreft zoer. Dr zit 28 - 32 mg kaffeïne per 33 cl in. Aandere belangrieke bestaanddeeln zeent kaneel, karamel en sitroen. Aanders as de meeste frisdraankn hef cola gin sitroenzoer, mer fosforzoer. Dieetcola hef beaide fosforzoer en sitroenzoer. Nöast soortn cola zoonder suker zeent dr ook nog soortn cola zoonder kaffeïne.

Ontstoan[bewark | bronkode bewarken]

De eerste cola was Coca-Cola, n noamaaksel van John Pemberton, van de Vin Mariani wat duur Angelo Mariani bedacht wör. Eerst har Coca-Cola n oftreksel van koka, mer duur druk van de oawerheaid wör dr dit an t begin van t 20ste joarhoonderd oet eloatn. De saamnstellige van coca-cola blif nog aait ene van de bestbewoarde geheimen van de wearld. n Naam cola keump van de kolanötte, den't trouwens vuur t maakn van cola nauweliks mear gebroekt wörd.

Moarkn[bewark | bronkode bewarken]

De bekeandste moarkn wearldwied zeent Coca-Cola, River Cola en Virgin Cola. Aandere opvalnde moarkn zeent Jolt Cola, woer't extra völle kaffeïne in zit, Inka Cola, n vuuranstoand Zuud-Amerikaans moark wat slim ofwik van de cola zo as det in t Westn bekeand is het Mecca-Cola, woervan't n deel van n opbrengst noar hulpe an Palestienn geet. Ook in de islamitiese wearld zeent dr verskeaidene soortn cola, um nen teegnhanger te beedn teegn de Amerikaanse produktn. Dit zeent oonder mear Zam Zam Cola en Parsi Cola. Wieders he'j nog OpenCola, woervan't t resept openboar is oonder de GNU General Public License, zodat iederene t noa kan maakn.

Oetgoande koppeling[bewark | bronkode bewarken]