Catharina Elderink
Catharina 'Cato' Elderink (Eanske, 28 februari 1871 - Eanske, 14 juni 1941) was ne skriefster en dichtster in et Tweants.
Leawen en reden töt skriewen
[bewark | bronkode bewarken]Catharina har enen breur en dree zusters (dee as allemoal, net as umzelf, nooit trouwden). Ze harren et good, want ze warren noakommelings van de vuurnoame femilies Elderink en Blijdenstein. In zinne jeugend har Catharina völle bewoondering vuur skriewer Fritz Reuter, den in een an et Tweants verwaant dialekt skreef. Doarnöast har he der wille an um met leaftiedsgenoten oawer et leawen van et Tweantse volk van vroger te kuieren. Zinne femilie har et oolde boerenoarf Niejenhoes in Buurse, woer as he vake hen gung. Doarnöast was he diplomeerd verpleegster en köm vake bie de Buurser boeren in et hoes. Heezelf spreuk et Eanskese stadsplat, dus nit et Buurser plat, mear det maken niks oet. Det he in et Tweants spreuk, gavven een vertrouwd geveul, en zo kömmen de verhalen op toafel. In latere skriefsels verontskeuldigen he zik vake vuur zin sproakengebroek.
In 1920 gung he aal mear skriewen. Zin eerste gedicht köm oet in 1914, in et domoalige Twentsch Dagblad Tubantia. Ook gung he regelmoatig met de fietse op Eanter en Riessen op an, um doar mear oawer et Plat te weten te kommen en lokale gebroeken te ontdekken. Do as he zeuwentig was, köm he te vallen op ene van zinne fietstöchte boetenof en breuk een been. Pas uren later veunden ze em. Noa den val gung et Elderink voordan slimmer.
Cato Elderink is 'n lesten oadem oet egoan in et zekenhoes Ziekenzorg, wat non oonderdeel is van et Medisch Spectrum Twente. Doarnoa is he begreawen op de Algemene Oosterbegraafplaatse in Eanske.
Woark
[bewark | bronkode bewarken]Oaver Tweante
[bewark | bronkode bewarken]- Oet et laand van aleer: Twenther vertelsels (1921, herdruk in 1925, 1955 en 1983)
- Twenther leu en laand en lèven (1937), dree delen:
- In de veldgroond
- Op ’n esch
- Et stadslèven
- Over één worden en één blyven (artikel; 1940)
Familiegeschiedenis Blijdenstein
[bewark | bronkode bewarken]- Een Twentsch fabriqueur van de achttiende eeuw (1923, heroetgawe 1976)
- Het geslacht Blijdenstein (1926, heroetgawe 2003)
- ..
Elderink dee ook met an Noaberschopp, t blad van de Duitsch-Nederlandsche Vereeniging.
Herdeanking
[bewark | bronkode bewarken]
An de Marktstroate, tusken de Walstroate en de Oolde Moarkt in Eanske, steet nen gedeanksteen vúúr Cato's ooldershoes. Der is in egraveerd:
"Hier aan de Marktstraat 7 woonde en werkte de Enschedese schrijfster en dichteres in de streektaal Cato Elderink (1871-1941)"
In 1983 sleug de Keuninklike Begear 12.500 Tweantse Daalders. Op de vuurkaante steund et Tweantse ros en op de achterkaante steund um nen kraans van ekenbladen ne sprökke van Cato Elderink: "Wat good is wast langzam (sic) as ekenbeume".