Butenpost

Oet Wikipedie, de vraaie enzyklopedie
Gao naor: navigasie, zeuk
Lekaosie van Butenpost

Butenpost (Fries: Bûtenpost, Nederlaans: Buitenpost) is een dörp en et heufdplak van de gemiente Achtkarspelen, in de Nederlaanse perveensie Frieslaand.

Antal inwoners deur de jaoren henne per 1 jannewaori:

  • 2006 - 5.762
  • 2004 - 5.719
  • 2002 - 5.650
  • 2000 - 5.639
  • 1998 - 5.632
  • 1996 - 5.625
  • 1994 - 5.605
  • 1992 - 5.552
  • 1990 - 5.498

Butenpost leit in et noorden van Achtkarspelen tussen Grunningen en Liwwadden en die ligging is vanoolds van belang west veur dit (greens-) dörp. In vroggere tieden het Butenpost veul te lieden had van de stried tussen de Friezen en de Grunningers.

De naeme Butenpost verwiest naor butenste waacht of voetbrogge, die doedertieden post nuumd wodden. Staorigan vestigden d'r leden van veurnaemelik Friese femilies; rouwbodden in de Nederlaanse Hervormde Karke herinneren daoran. In de 19e ieuw begon Butenpost veurdiel te trekken uut de ligging tussen twie heufdsteden. Dit dörp wodde pleisterplak veur de postwaegens. De peerden verdwenen naodat in 1866 de spoorliende tussen Grunningen en Liwwadden eupend wodde en d'r auto's kwammen.

Butenpost leit an de spoorliende Grunningen-Liwwadden. In beidend richtingen ku'j drie keer per ure op de trein stappen. Twie daorvan bin stoptreinen en ien is een sneltrein.

Spoorliende en rieksweg hebben in belangrieke maote biedregen tot de ontwikkeling van Butenpost en de ligging daoran is nog de hieltied van groot belang. In Butenpost is et gemientehuus vestigd. Et veurzieningsnivo bi'jveurbeeld deur schoelen en de ligging dregen d'r toe bi'j, dat d'r spraoke is van een nog steeds greuiende woonfunctie van Butenpost.

Op 30 augustus 2005 kwam Butenpost in et ni'js, doe d'r een wichien van Etiopische ofkomst bekoegeld wodde mit bliekwaeter. De daoder dee dit uut racistische motieven. Dit bliek uut uutspraoken die hi'j naoderhaand dee. De daoder kwam uut Surhuustervene, een groot dörp op zoe'n 10 kilemeter ofstaand van Butenpost.

Ok is Butenpost vaeke in et ni'js kommen deur et voetbal. Profclubs zoas SC Heerenveen, Ajax, Cambuur Leeuwarden, Valencia, FC Groningen en vule aandere klubs kwammen in Butenpost op vesite.

Butenpost het daornaost nog de grootste botanische krudetuun van Nederlaand.