Bantem
Bantem, ok wel espeld as Banthum, (Hollaands: Bergentheim) is n dorp in de Oaveriesselse gemeente Hardnbearg. De karn lig tussn de spoorliene Zwolle-Emn en t kanoale Almelo-De Haandrik. Op 1 januwari 2006 had t 3.466 inwoners.
Over de noame Banthum is nie völle bekend, maar H.J. Hilberink skreef in zien boek "600 Jaar Bergentheim" dat t woord is of elejdt van berg-es. Banthum wörd as eerste in 1385 eneumd.
Banthum was eerst n esdorpe, op ongeveer 2 töt 3 kilometer van woar t non lig. Den stean het rechtevoort Old Bantem. De hudige karn onstund deur vervening van de venegroondn op t oostn van Banthum. Disse groondn wördn op ekocht en of egroavn deur m.r. I.A. van Roijen (1800-1868). Noadat den uut de tied köm wörd zien wark deur edoan deur zien bedrief N.V. Veenderij Erven M.R. I.A. van Roijen, die had later n torfstrooiselfabriek begunn.
In 1905 kreeg Banthum n stasjunneke an de liene Zwolle-Stadsknoal, en wörde in 1907 uut ebrejdt. In 1975 wörd t weer eslootn en in 1993 of ebreukn.
Banthum lig an de proveensjale weg N343. t Hef n voetbalvereniging VV Bergentheim en volleybalvereniging De Schutters. Dr bint twie legere schoeln, de Protestaant-Kristelike Ds. Koningsberger, en de Gerifformeerd-Vrej-emaaktn Casper Diemer. In Banthum stoat drie karken: n hervormdn, n gerifformeerd-vrej-emaakten en n gerifformeerd-synodalen.
