Balkenbri-j
Oet Wikipedie, de vraaie enzyklopedie
Balkenbri-j is n Nederlaands gerecht dat veural in et noajoar en in den winter wödt egeaten, eursprönkelek in et oosteleke en zuudeleke deel van Nederlaand. Et hef as inhold tradisioneel et slachtofval van de pogge (under meer kop of ribbekes, spek en leaver), en boekweitmeal of tarwebloom, en aparte kruuden, dee nen zeuten smaak ofgeft.
[bewark] Etymologie
Et weurd balkenbri-j is woarschienlek of-eleid van bri-j van gebalgte. Gebalgte bunt de reste, zoas darmen en pens, van n geslacht beest.
[bewark] Recept
Beneudigheden:
- 1 kg meagere platte ribbekes
- rommelkruud of balkenbri-jkruud
- laureerblad
- Siepel
- grof emalen pepper
- knoflook
- rundumme 1 kg boekweitmeal
Kloarmaken:
De ribbekes in ne grote panne met water flink lang loaten kokken en kruuden mit laureerblad, siepel, grof emalen pepper en knoflook. As zie mals bunt alles deur nen deurslag oavergeeten in ne andere grote panne. Et vleis van de bötte halen, weerumme doon in de bri-j en opni-j heite maken. Doarnoa rommelkruud of balkenbri-jkruud toovoegen. Dan zoveul boekweitmeal zo rap meugelek in éne keer toovoogen tot der deur rappe reuren nen arg dikken bri-j ontstoan is. Den bri-j oavergeeten in ne nat emaakte schale. De schale in de keulkaste bewoaren. ()
