Almannaskarðsgöng

'n Almannaskarðsgöng is nen tunnel öp de Hringvegur, dichtbiej Höfn (Hornafjörður) in Austurland in Oost-Ieslaand. 'n Tunnel is exakt 1312 meater lang (moar 't bördsken rönd 't of noar 1300) en was lös-doan öp 24 junie 2005. 'n Tunnel geet önner 'n smallen en steailen Almannaskarð-bargpas, tusken Hornafjörður en Lón. 'n Pas is nöch steads toogänk'lik in 'n zommertied en d'r is ne parkearploatse met 'n praachtig oetzicht.

Tiedens 'n weentertied mötten de wegge slötten wörden ömdet 't mangs sneejen, woardeur 't verkear blokkeard wörden noar en van 't eusten van Ieslaand, dös zee vängen an nen niejen tunnel te bawen in moart 2004 en was endigd in oktober van 't zölfde joar. 'n Tunnel geet deur zo ne 1150 meater van solieden rots en 162 meater deur sement, woardeur de tötoale längte 1312 wörd. De wegge is twea löane bread, moar der bint ok drea inhoallöane in 'n tunnel veur noodverkear. 'n Zuudingang leg 39 meater boawen zeenivo en 'n noordingang 82 meater boawen zeenivo, wat 't gradiënt 4,6% makket.