Wikipedie:Richtlienen ploatsnoamen

Uut Wikipedie, de vrye encyklopedy
Naar navigatie springen Jump to search

De Richtlienen veur ploatsnoamen op de Leegsaksiese Wikipedia beschrieven hou man hier artikels over ploatsnoamen geern hebben wil.

Officiële noam[bronkode bewarken]

Omreden gainain ploatsnoam woar den ook ien de wereld n Leegsaksiese noam as officiële bestuurlieke noam het, is t winselk om, as t artikel wel de Leegsaksiese noam broekt, de officiële noam der ook bie de vermelden. Dit kin tuzzen hoakjes achter de eerste moal dat de titel van t artikel broekt wordt, bieveurbeeld:

De Stad Grunnen (ook Stad Grönnen of gewoon Stad, Nederlaands: Groningen, Frais: Grins) is de heufdstad van de provinzie Grunnen.

Der huift nait per se te stoan of de Hollaandse noam de officiële is, omreden ien Nederlaand aal ploatsnoamen de Hollaandse noam as officiële hebben. Veur ploatsen ien Fraislaand mag dat wel, omdat summige ploatsen de Fraise noam as officiële hebben en aander ploatsen de Nederlaandse noam as officieel mit de Fraise as twijde noam.

Welk dialekt?[bronkode bewarken]

Der wordt noar streefd om zo veul meugelk t lokoale dialekt aan te holden. Zo mout n artikel over bv. Apeldoorn nait ien t Grönnegs schreven worden, maor ien t lokoale dialekt. As joe as schriever dat lokoale dialekt nait beheersen, mag t ook op n dialekt dat der op liekt. n Ploats ien Drinte kin prima ien n aander Drints dialekt schreven worden. As joe as schriever ook dat dialekt nait beheersen, den maggen joe t ook ien n hail aander dialekt schrieven, maor op momint dat der aine komt dij t lokoale dialekt wel kin, den mout dij de gelegenhaid kriegen om t artikel te vertoalen.

Rienweerden-kriterioms[bronkode bewarken]

De Rienweerden-kriterioms binnen bedocht noar aanlaaiden van diskussies van de Leegsaksiese Wikipedia-gemainschop (zai hier en hier) over t vertoalgedrag wat ploatsnoamen aangaait. t Is n stappenplan om te bepoalen of n ploatsnoam hier op dizze Wikipedia vertoald worden mout/mag noar t Leegsaksies tou.

Stappenplan[bronkode bewarken]

1. Het de ploats van oldsheer n Leegsaksiese noam?
Joa > Den wordt dij broekt.
Nee > Volgende stap.
2. Ligt de ploats boeten t Leegsaksies toalgebied?
Nee > Den is der woarschienlek wel n Leegsaksiese noam veur of verschilt dij noam nait van de Hollaandse noam.
Joa > Volgende stap.
3. Is t n ploats van rezenboare grootte en van (historieze) betaikenis veur de regio?
Joa > Volgende stap.
Nee > Laiver nait vertoalen. (Canterbury wordt nait Kaanderboeren of Kaanderbörg en Casablanca wordt dus nait Withoezen)
4. Vuilt t natuurliek om de ploatsnoam te vertoalen en zol man dij noam ook doadzoakelk broeken?
Joa > Den mag t noar gevuil vertoald worden
Variant a: As de ploatsnoam n aalgemain woordpaart het dij normoalerwies vertoald worden kin, bv. "-burg"/"-borg" (Valkenburg > Vaalkenbörg; Viborg > Vibörg of Wibörg), "-berg" (Soesterberg > Soesterbaarg), "-wijk-", "-stede" (Wijk bij Duurstede > Wiek bie Duurstee), "Noord-" (Nordhorn > Noordhörn), "-huizen" (Enkhuizen > Enkhoezen), "-dorp" (Hoofddorp > Heufddörp).
Variant b: As de ploatsnoam n bepoalde klank het dij normoalerwies vertoald worden kin (bv. Antwerpen > Antwaarp of Antwarpen; Parijs > Paries; Bussum > Buzzem.
Nee > Laiver nait vertoalen (bv. New York wordt dus gain Nij Jörk ien t Grönnegs, maor misschain wel Niej-York in t Veluws; Goslar zol veur t gevuil bv. Gözzelder worden, maor gainaine zol dij noam broeken.