Wicher Berkhoff
Wicher Berkhoff (russisk: Vasily Ivanovich Berkov, kyrillisk: Василий Иванович Берков) (21. augustus 1794 in et Veane, Neaderland – 5. april 1870 in Sünt Petersburg, Rusland) was skeypsbouwer en tüsken 1829 en 1870 direktöör van de admiraalswarf van Sünt Petersburg. Berkhoff was eyne van de sounöömde Rusluie, de handelslüde uut et Vresenveane. Hee krigt vöäle lov üm syne ümmesettingen van westeuropääske böker oaver skeypsbouw in et russisk.
Berkhoff wör geboaren in et Veane, mär güng as jungen kearl med up ruslandreise, sou as vöäle lüde uut et veane dat in synen tyd deaden. Hee verwörv bekendheid weagens syne handigheid med språken. Van em is bekend dat hee veansk, neaderlandsk, düütsk, engelsk, fransk en russisk kunde. Hee trouwden med Aleksandra Volkova, de dochter van de hovtåfeldekker van 'n russisken tsaar, wårnå hee sik as rus löät inskryven en by de russisk-ortodokse karke köäm. Dårmed wör hee upenöämen in den russisken ådel.
In 2007 is der in et Veane ne stråte nå em vernöömd.
 |
Commons: Wicher Berkhoff - plaatjes, filmkes en/of gelüüdsbestanden. |