Weaven

In de gravtombe van den egyptisken farao Beni Hassan is ne afbealding to vinden van twey vrouwen an et weaven.

Weaven is en technik en ambacht wårmed stof emaked wördt. Med den stof künnet kleyder un ander linnengood emaked worden. Et wördt al dusenden jåren edån, mär pas vanaf de industriele revoluty med machines. Dårvöär must et med de hande en was et en tydröyvend wark.

Teykening van en eynvoldig weavmuster

In beginsel is weaven et wark wårby koppels dröäde horisontaal en vertikaal in mekander skuvet, soudat se med mekander en strak web förmet. Wo strakker et web, wo dichter et weavsel. Weaven kan in heyl vöäle patronen (musters), mär in beginsel sorget en afwesselend oaver-underpatroon dat de dröäde mekander vastegrypet.

Weaven wördt edån up en weavetouw. Dat kan en raam weasen wåras de horisontale dröäde med gewechte vöärlangs hanget, mär modernere uutvoringen hebbet en liggend model. In traditionälere weaverye must den weaver den dråd handmåtig oaver en under yderen volgenden dråd leiden. Latere uutvindingen trekket de dröäde in sets lös van mekander, wårdöär den dråd der ineynen döärhen etrökken kan worden.