Bron bekyken van Vaar-en-moor-fietse

[[Image:Tandem-bike.jpg|thumb|right|250px|Ne vaar-en-moor-fietse]]
[[Image:Bike for four.jpg|thumb|right|250px|Ne dubbelde fietse vuur veer leu]]
Ne '''vaar-en-moor-fietse''' of '''dubbelde fietse''' is ne speciale [[fietse]] dee is ontwoorpn um duur twee of meer leu te wördn vuurtbewoagn. 

Een van de eerste dubbelde fietsn was de ''Apollo Singer'' oet [[1884]]. Dit was ne ''sociable'', zoo as dat het, ne fietse woarop de berieders nöast mekaar zatn. De andrieving gebuurn duur ne trapplaank en stangn, zooas biej t [[spinneweel]]. Op de dubbelde fietsn van vandaag-an-n-dag zit de leu meestal achter mekaander. Zee drieft saamn de ketn an, woarbiej de pedaaln bunt verbeundn met ne tweede ketn. Disse fietsn hebt as groot vuurdeel dat de rolweerstaand en de lochtweerstaand zoo wat geliek is an dee van ne fietse met een berieder, terwiel de beschikboare andriefkrachte zoo wat verdubbeld is. Ok is t gewichte leager as van twee amparte fietsn. Hierduur könt op vaar-en-moor-fietsn heugere snelheedn wördn haald en kostn längere afstaandn nich zoo völle van de kondisie. Dubbelde fietsn bunt erg haandig um nen fietsntocht met visueel gehandicaptn te maakn.

Aanvaankelik wördn vaar-en-moor-fietsn maakt duur twee frames van gewone fietsn an mekaar te lasn. Rechtervoort is de techniek verbetterd en wördn dubbelde fietsn ampart ontwikkeld. Biej t ontwearp en de bouw möt der an dacht wördn de konstruktie zoo stief as nen boom te maakn.

Der bestoat ok dubbelde fietsn met twee weeln vuur meer as twee leu; zoo bunt der modeln vuur dree, veer of vief leu op t maark. Ok bunt der dubbelde fietsn met veer weeln woarop de berieders nöast mekaar zitn. Een wik wal heel völ of van de aandere: Eric Staller hef de ''Conferencebike'' ontwoorpn, ne dubbelde fietse met dree weeln woarop zeuvn leu könt zitn.

{{DEFAULTSORT:Vaar En Moor Fietse:}}
[[Kategorie:Tweants artikel]]
[[Kategorie:Voertuug]]