Twintigmiljoendreum

Uut Wikipedia, de vrye encyklopedy
Naar navigatie springen Naar zoeken springen

De twintigmiljoendreum is een term daoras de historicus Frank Löwik mit verwis naor een denkbield van partie lu die as in de jaoren vieftig en begun jaoren zestig mitdeuden an wat ze now wal de 'Nedersaksische Beweging' nuumt. Dit denkbield höld in det doedertied twintig miljoen mèensen, 'van de Veluwe töt Sleeswiek-Holstien', een vörm van 't Nedersaksisch (in Duutslaand 'Platduuts' enuumd) praotten en det zi'j hierdeur, en deur heur mandielige cultuur en lèvensholding, een ienheid zolden kunnen vörmen.

Dizze ienheid weur veural ezöcht in pogings umme 't Nedersaksisch ni'j lèven in te poesten en contacten te leggen maank Nedersaksische skrievers en praoters in de verskillende Nedersaksischtalige regio's in Nederlaand en Noord-Duutslaand.

Critici van de denkwieze achter de twintigmiljoendreum wezen onder aandere op de minne nao-oorlogse verstaandholding maank Nederlaanders en Duutsers. Zo mienden de taalkundige G.G. Kloeke van de Nedersaksische taalstrieder Arnold Rakers: 'hij is altijd idealist geweest, begreep de oorlog evenmin als hij nu de daaruit ontstane haat begrijpt.'

Bron[bewark | bronkode bewarken]

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.