Swifterbantkultuur

Veld by Swifterbant wåras de resten van de kultuur evünden sint

De Swifterbantkultuur was nen kultuur uut de steyntyd, argens tüsken 5300 en 3400 vöär Kristus. Dårvöär is archeologisk bewys evünden in Neaderland. De name slöt up de vindsteade: by Swifterbant, kort by Dronten in wat nu Freesland is. Net as de Ertebøllekultuur woanden de lüde van de swifterbantkultuur an et water. In dit geval warren dat kleine löypkes un ströymkes, rivyrdunen un murrelanden, sou as langs de oaverysselske Vechte.

Tüsken 1960 en 1980 wörden verskeidene vöärwarpen van de swifterbantkultuur vünden in wat nu de dröyge Flevopolder is, kortby et dörpke Swifterbant. Andere vöärname steades sint Bargskenhook in Süüdholland un Hardinksveld-Giessendam in de Betuwe.

Beskryving

De öldste vündste van disse kultuur stammet uut 5600 vK. Se sint lastig uut mekander to holden med vergelykbåre saken uut de Ertebøllekultuur uut Noorddüütskland un Skandinavie. Et is den vöärlouper van de westelike undergrupe van de trechterbeakerkultuur (4000-2700 vK), den sik uutstrekkeden oaver et noorden van Neaderland un Noorddüütskland, töt an de Elbe.

De vrogste steades warren seisoonsgebünden underkummens un stammet uut 4800-4500 vK. Dåruut blikt nen oavergang van en bestån as jager-gadderaars når veyholderye, vöärnamelik med kobeeste un biggen. Uut dissen tyd sint ouk potskarven evünden. Uut disse streake is sköäterwark van vöär den kumst van de lynewarkkultuur evünden. Wat se hadden an besit löt seen dat se sik döäruntwikkelden vanaf ne steyntydkultuur med aerdewark in ertebøllestyl nå handel med latere grupen uut de Rössenkultuur, ümdat der uut den tyd breitkeile-sköäters evünden sint.

Koaken up vüür hadden se wellicht van nåbers afekeaken. Se köäsen bewüst woansteades langs et water, ümdat dat vöär landbouw, veyholderye, jagen un visken good uutküm. Der wördt emeynd dat se et ouk slim van afwesseling in dee veer voodselbrunnen musten hebben, want upskålen was der noch neet by. Natte streaken warren dår heyl geskikt vöär. Dat blikt uut ne untdekking van en stükke bouwland by Swifterbant uut 4300 - 4000 vK.

Offerde kobeeste wörden in murrelanden van Drente vünden. Dat wist uut dat dee nöäst voodselbrunne ouk as religiöse deers holden wörden.