Strandfreesk

Et strandfreesk was en dialekt van et noordfreesk en wördden espröäken op et eiland Strand, do onderdeyl van et Deenske Hartogdom Sleeswyk. Et eiland wördden verrineweerd tydens de Buchardivlood van 1634. De oaverblyvsels hyrvan bint now de eilanden Pellwörm en Nordstrand. Et strandfreesk behöyrden töt et vasteland noordfreesk. Dialekten van et strandfreesk wassen de dialekten op Pellwörm, Nordstrand en Wyk op Föhr. Wyders is et halligersk ouk en dialekt van et strandfreesk.

Geskedenisse

Et noordfreesk wördden töt de 17. eyw espröäken op Nordstrand. Op Pellwörm bestünd et noordfreesk töt de 18. eyw. Nå de Buchardivlood van 1634 verhüüsden vlüchtelings nå Wyk op Föhr wåras see höär spräke introdüceerden. Hyr bleef et strandfreesk töt de 19. eyw bestån. Kats üütestöärven is et strandfreesk neet. Sou wördt et nog espröäken as et halligersk op et eiland Halligen.

Belangryke warken

Et belangrykst wark in et strandfreesk is de ümmesetting van de Kleine Katechismus van Maarten Luther van vöär 1634.^[1] Andere warken bint "Yn Miren-Söngh" (en Ochtendleed) en "Yn Een-Söngh" (en Åvendleed) döär de preydiker Anton Heimreich (1626–1685), ofkomstig van Nordstrand.^[2]^[3] De pastor Andreas Frerks (1815-1899), dee as vordkwam van Wyk op Föhr, hevt de Gelykenisse van de verlöären söäne ümmesetted nå et dialekt van et strandfreesk det as espröäken wördden op Wyk op Föhr.

Bronnen

↑ Ziesemer, Walther (1922). "Nordfriesischer Katechismus in Strander und Föhringer Mundart". Niederdeutsches Jahrbuch (in German). 48: 53–74.
↑ Wilts, Ommo (2001). "Die nordfriesische Literatur". In Munske, Horst Haider (ed.). Handbuch des Friesischen – Handbook of Frisian Studies (in German and English). Tübingen: Niemeyer. p. 406. ISBN 3-484-73048-X.
↑ M. Anton Heimreichs, weyl. Prediger auf der Insel Nordstrandisch-Mohr, nordfresische Chronik. Zum dritten Male mit den Zugaben des Verfassers und der Fortsetzung seines Sohnes, Heinrich Heimreich, auch einigen andern zur nordfresischen Geschichte gehörigen Nachrichten vermehrt herausgegeben von Dr. N. Falck, Professor des Rechts in Kiel. Tondern, 1819, erster Theil, p. 27–30

Dit artikel is eskreaven in et sallandsk.

[1] Ziesemer, Walther (1922). "Nordfriesischer Katechismus in Strander und Föhringer Mundart". Niederdeutsches Jahrbuch (in German). 48: 53–74.

[2] Wilts, Ommo (2001). "Die nordfriesische Literatur". In Munske, Horst Haider (ed.). Handbuch des Friesischen – Handbook of Frisian Studies (in German and English). Tübingen: Niemeyer. p. 406. ISBN 3-484-73048-X.

[3] M. Anton Heimreichs, weyl. Prediger auf der Insel Nordstrandisch-Mohr, nordfresische Chronik. Zum dritten Male mit den Zugaben des Verfassers und der Fortsetzung seines Sohnes, Heinrich Heimreich, auch einigen andern zur nordfresischen Geschichte gehörigen Nachrichten vermehrt herausgegeben von Dr. N. Falck, Professor des Rechts in Kiel. Tondern, 1819, erster Theil, p. 27–30

[1]

[2]

[3]