Spyker (grånupslag)

Nåbouwden spyker uut de steyntyd in Wekerum

Spyker by Meister Kok in Winterswyk

Nen spyker is en gebouw in et veld wåras buren öär ougstede gewassen (med name grån) tydelik upslåt. Spykers ståt meysttyds up pöäle van de grund af en afeslöäten van de lösse butenlucht. Dat is üm et dröyge to holden en to vöärkummen dat der ungedeerte inkümt.

As der groute vrachten grån eougsted warren, kun dat neet in eyn mål vervoord worden, düs slögen de buren et up langs et veld. Med den kumst van groute landbouwmachinen is dat wat achterhaald. Rechtevoord gebruket de buren der meystens silo's vöär.

Et woord spyker is afeleided van et latynske spicarium, en underkummen vöär spicae, latyn vöär korenöärene. Vöäral in et neadersassiske gebeed van Neaderland kümt et woord noch wal es vöär. In de düütske digitale wearld is et woord 'speichern' vöär upslån hyrvan afeleided.