Popko

Uut Wikipedia, de vrye encyklopedy

Popko is een Grunnegs beeldmaark. t Vingerwiezende boertje, mit in zien linkerhaand n drijtaand, zet zug deur middel van verschaaidene initiatieven in veur d Grunneger toal en cultuur.

Grunneger beeldmaark[bewark | bronkode bewarken]

Noa 15 joar laank daind te hebben als t bougbeeld van de Winschoter joarmaarkt Adrillen wuir t Grunneger boertje Popko in opdracht van Bert van Vondel, Drokkerij & Oetgeverij Tellerlikker oet Winschoot, in juni 2010 vannijs vörmgeven deur illustrator en kunstenoar H. Kreefft oet Den Helder. Inmiddels trekt Popko d pervìnzie in om zug als Grunneger beeldmaark in te zetten veur de Grunneger toal en cultuur. Zien missie is om Stad en pervìnzie noast d Olle Grieze en t Peerd van Ome Loeks n gezicht te geven.[1]

t Grunneger boertje is promotor west van de echte Grönneger Poffert en bedocht as ain april grap de eerste speulfilm in dialekt.[2] Ook het Popko t initiatief nomen veur t eerste Grunneger woordenbouk op droad[3] en was hai aanpeerdjer van t protest tegen t gaswinnen in provincie Grunnen.[4]

Taikenoars[bewark | bronkode bewarken]

  • Geert Schreuder, Onstwedde
  • Mark Hendriks, Grunnen
  • Humphrey Kreefft, Den Helder

Trivia[bewark | bronkode bewarken]

  • In 2012 was Popko te zain op n poster en op t offisjele draaibouk van pelitie bie Project X Haren.[5]
  • In juli 2014 is der op internet n aktie start om Popko soamen mit zien leus "Hé, Doe! Komst óók op Adrillen?!" terug te kriegen als beeldmaark veur t Adrillen.[6]
  • Popko kreeg begun 2014 bekendhaid in binnen- en boetenlaand als t offisjele beeldmaark van Groningers in Opstand.[7]
  • In november 2014 raip Popko op om bie de Dialect Top 20 op Ede Staal te stimmen, omdat de streektoalzanger in t verleden deur Radio 2 oet de Top 2000 weerd wuir toun hai op nummer ain driegde te komen.[8][9]

Boetende hìnwiezen[bewark | bronkode bewarken]

Bronnen / wellen:
  1. Popko, hét Groninger beeldmerk van de 21e eeuw. Het Verhaal van Groningen, 1 feberwoarie 2012
  2. Grunneger Poffert, eerste speelfilm in streektaal. Groninger Gezinsbode, 24 meert 2012
  3. Schrijf mee aan het online Groninger woordenboek. De Veendammer, 21 september 2011
  4. Boer Popko voert actie tegen gaswinning. Dagblad van het Noorden, 12 feberwoarie 2013
  5. Haren weet niet wat het moet verwachten van Facebookfeest. AD.nl, 19 september 2012
  6. Facebook-actie voor terugkeer Adrillenboertje. RTV Noord, 27 juli 2014
  7. Groningers in Opstand in de media. GroningerOpstand.nl, 9 november 2014
  8. 'Ode aan Ede' doet gooi naar Top 2000. RTV Noord, 13 jannewoarie 2009
  9. Groninger beeldmerk Popko in de bres voor Ede Staal. Groninger Krant, 1 november 2014
Dit artikel is skreaven in et grönningsk.