Gemiente (bestuur)

Een gemiente is een groep van woongebieden (dörpen, steden) mit et bi'jbeheurende gebied die tegere bestuurd wodden deur een poletiek apperaot. De gemiente is de onderste laoge uut et poletieke bestuursstruktuur, mit daorboven in Nederlaand respektievelik de perveensie en de rieksoverhied, en in België respektievelik et arrondissement, de perveensie, et gewest en de federaole staot. Pattie gemientes in Nederlaand kennen nog dielgemientes of stadsdielen, waorin de gemiente opdield is. Dit komt veur in Amsterdam en Rotterdam.

Algemien

Per 1 jannewaori 2006 bin d'r 458 gemientes in Nederlaand. In alle Nederlaanse gemientes wodden een antal laandelike riegels, op een zelde meniere toepast (bi'jgelieks wat uutkerings betreft), en de vorm van et paspoort moet d'r in alle gemientes etzelde uutzien. Toch bin d'r wel grote verschillen tussen de iene en de aandere gemiente. Een grote stad, waor veul meensken dichte op mekeer wonen, kent aandere perblemen en voert een aander beleid as een dunbevolkte plattelaansgemiente die uut een antal kleine plakken bestaot. Baentiesmannen, gemienteraodsleden, wethoolders en borgemeister bin d'r verantwoordelik veur dat de zaeken in de gemiente goed gaon.

Gemientelike staotestieken

Nederlaand

Grootste gemiente (kwa oppervlak): Lelystad Grootste gemiente (kwa inwoners): Amsterdam Kleinste gemiente (kwa oppervlak): Bennebroek Kleinste gemiente (kwa inwoners): Schiermonnikoog

Noordelikst legen gemiente: Eemsmond Oostelikst legen gemiente: Reiderlaand Zudelikst legen gemiente: Gulpen-Wittem Westelikst legen gemiente: Sluis

• Leegst legen gemeente: Nieuwerkerk an de Iessel
• Hoogst legen gemeente: Vaals

België

Grootste gemiente (kwa oppervlak): Doornik Grootste gemiente (kwa inwoners): Antwarpen Kleinste gemiente (kwa oppervlak): Sint-Joost-ten-Node Kleinste gemiente (kwa inwoners): Herstappe

Noordelikst legen gemiente: Hoogstraten Oostelikst legen gemiente: Büllingen Zudelikst legen gemiente: Rouvroy Westelikst legen gemiente: De Panne

• Hoogst legen gemiente: Waimes

Nedersaksisch

• Achterhooks: gemeente
• Drèents: gemeeinte, gemeinte, gemiente
• Grunnegs: gemainte
• Sallaands: gemiente, gemeente
• Stellingwarfs: gemiente
• Tweants: gemeante, gemeente
• Veluws: gemeente, gemiente