Färöer

Føroyar
[[Bestaand:|120x100px|middle|center|Vlagge van Färöer]]	[[Bestaand:Bestaand:Coat-of-arms of the Faroe Islands.png|120x100px|middle|center|Wåpen van Färöer]]
[[Bestaand:|264px|Ligging van Färöer]] Ligging van Färöer
Basisgegeavens
Officiele språke	Faeröers, Deens
Höyvdstad	Tórshavn
Regeringsform	zelfbestuur
Godsdeenst	protestantisme
Geografy en bevolking
Uppervlakde - Water	1399 km² 0,5%
Inwoanertal - Dichtheid	48.354 34,6 inw./km²
Koordinaten
Oaverige
Volksleed	Tú alfagra land mítt
Münteynheid	Faeröerse krone (FOK)
Tydzone	+0
Nationale feystdag	28 en 29 juli
Web | Kode | Tel.	.fo | FO | 298

De Faeröer (Faeröers: Føroyar; Deens: Færøerne) bin een West-Europese eilanengroep, elegen in 't midden van de dreehoek Schotlaand-Noorwegen-Ieslaand en beheur toe an 't koninkriek Denemarken. De naam Faeröer beteken 'schapeneilanen' (øer is Deens veur 'eilanen', dus de naam Faeröer-eilanen is eigenlijks een pleonasme). Der woenen ongeveer 45.000 luui, hiervan woenen der veul in de heufstad Tórshavn. De plaoselijke Noord-Germaanse dialekken, verwant an 't Ieslaans, vormen een amparte taal, estandardiseerd in 't Faeröers.

Geschiedenis

De Faeröer bin veurnamelijk bevolk vanuut Noorwegen, vanof de 9e eeuw nao Christus. In de 11e eeuw kwammen de eilanen onder 't gezag van de Noorse koning. To Noorwegen zelf een gebiedsdeel van Denemarken wönnen, kwammen de Faeröer oek onder de Deense krone. Oek to Noorwegen Zweeds en laoter zelfstandig wönnen, bleven de Faeröer Deens. In 1948 kregen ze veergaond zelfbestuur. De Faeröer heuren neet bie de Europese Unie.

Op partie zeekaorten uut de 16e en 17e eeuw is in 't zujen van Ieslaand een groot eilaand te zien dat Frisland eneumd wönnen. An-eneumen wonnen dat daormee de Faeröer bedoeld wönnen.

Onofhankelijkheid

De opbrengs van olie veur de kus wonnen veur een groot deel over-eheveld naor Denemarken. De plaoselijke bevolking ziet dus minnig van der eigen riekdommen. Dit pos-keloniale beleid van Denemarken hef de wens onder de eilaandbewoeners um volledig onofhankelijk te wonnen veerder vergroot. Denemarken hef 't tot noen toe eweigerd.

Geografie

Kerngegevens

• kusliende: 1117 km
• hoogste punt: Slættaratindur op Eysturoy, 882 m.

De eilanen

De zeuventien bewoende eilanen van de Faeröer bin:

Streymoy – Eysturoy – Vágar – Mykines – Suðuroy – Stóra Dímun – Skúvoy – Sandoy – Hestur – Koltur – Nólsoy – Borðoy – Kalsoy – Kunoy – Viðoy – Svínoy – Fugloy.

't Achttiende, onbewoende eilaand is Lítla Dímun.

Kaorte

Satellietfoto

Commons: Färöer - plaatjes, filmkes en/of gelüüdsbestanden.