Verskil tüsken versys van "Tweantsen taalwiezer"
Regel 41: | Regel 41: | ||
**"Uur" wördt oet-esprökn as [uu wə] |
**"Uur" wördt oet-esprökn as [uu wə] |
||
**"Beer" wördt oet-esprökn as [beejə] |
**"Beer" wördt oet-esprökn as [beejə] |
||
**"Bear" wördt oet-esprökn as [bèhjà] |
**"Bear" wördt oet-esprökn as [bèhjà] (zeflde as in t Engels) |
||
**"Hoar" wördt oet-esprökn as [hoawà] |
**"Hoar" wördt oet-esprökn as [hoawà] |
||
**"Oor" wördt oet-esprökn as [oo wà] |
**"Oor" wördt oet-esprökn as [oo wà] |
Versy up 13:59, 16 okt 2008
Wark in üütvoring An dit artikel wördt de kummende tyd druk ewarked. As jy et artikel verbeateren künnen, do dat dan gerüst! |
Dit is n Tweants weurdnbook Tweants-Nederlands. Hier komt zaakn in te stoan as grammatika, weurde, zegswiezn en plaatsnaamn.
Zeet ok t artikel Tweants
Info in t vuurtn
t Tweants is n dialekt van t Neersassies. Tweants wördt zoowat in heel Tweante sprökn. In de meest westelike plaatsn doot ze meer Sallaands. Van ne Tweantse standaardtaal mag gen sproake wean, hoast ieder dörpken hef zienn eign slag.
Klaanknlear
Um n dudelik oawerzich te gevn, make vie oonderskeaid tusken kleenkers en metkleenkers. t Geet hier um de oetsproake. Den kan nog wal s ofwiekn van eskreewn vörm.
Vlakke kleenkers
- [a] - wördt oet esprökn as in t Duutse Mann. Zooas in t Tweantse hadn.
- [aa] - wördt oet-esprökn as in t Hollaandse Laat, allene iets länger en mear vuurin in n moond. Zooas in vake.
- As der ne [n] achter steet, wördt de [aa] oet-esprökn as in t Fraanske trente. Doarumme riemt "Trente" op t Tweantse kraante.
- [æ] - Zoo um en noabiej as in t Engelse* back, mear dan met n moond wat meender wied lös, woerduur e vake as [e] wördt an-eheurd. Tweants: ètn.
- [e] - as in t Hollaandse pet. Tweants: pette.
- [ee] - as in t Duutse geben. Nen kleenker zoonder verglieding. Tweants: Breef.
- [ea] - as in t Engelse air. Tweants: leavn.
- [oa] - as in t Hollaandse Roze. Tweants: noa.
- [o] - as in t engelse lock, Ned. bol. Tweants: kop.
- [ó] - as in t fraanske bon, Ned. vol. Tweants: bok, hok, vol, .
- [oo] - as in t Duutse boot. Tweants: koo.
- [oe] - as in t Hollaandse boek. Tweants: oe.
- [oe] - as in t Hollaandse boer. Ne wat längere oe. Tweants: koele.
- [ö] - as in t Duutse Köln, Ned. löss. Tweants: lös, köppe.
- [öa] - as in t Engelse turn. Tweants: köant, dröa.
- [eu] - as in t Hollaandse deur. Tweants: beume.
- [eur] - as in t Hollaandse deur. Tweants: heurn.
- [u] - as in t Hollaandse hut. Tweants: luk.
- [uu] - as in t Hollaandse fuut. Tweants: kuukn.
- [uu] - as in t Hollaandse uur, allene wat länger; Tweants; uur, buul.
- [i] - as in t Hollaandse dit. Tweants: lippe.
- [ie] - as in t Hollaandse wie. Tweants: gries.
- [ie] - as in t Engelse wee. Wat längern klaank. Tweants griezn.
Buugnde kleenkers
Meesttieds wördt an t eande van n woord noa nen langn klaank de [r] neet oet-esprökn, mear in plaatse doarvan wördt der nen dreei emaakt noar de [ə] of [à]/[ø]:
- "Hier" wördt oet-esprökn as [hi jə]
- "Uur" wördt oet-esprökn as [uu wə]
- "Beer" wördt oet-esprökn as [beejə]
- "Bear" wördt oet-esprökn as [bèhjà] (zeflde as in t Engels)
- "Hoar" wördt oet-esprökn as [hoawà]
- "Oor" wördt oet-esprökn as [oo wà]
- "öar" wördt oet-esprökn as [öa wà]
- [eeə] - disn klaank wördt oet-esprökn duur nen klaank te maakn as in t Duutse geben, mear an t eande der ne "jöh" an too te doon. Ofwieknde dialektn zooas t Riesns en t Eanters doot dit völle, mear t Vjens steet der um bekeand det t zelfs allene den "jöh" oetsprekt, mear dan as "jèh"; Tweants breef blif in t Riesns: "breef" of "breeəf" , wördt in t Eanters "breeəf/brieəf" en in t Vjens "brjèf".
- [ooə] - disn klaank wörd oet-esprökn duur nen klaank te maakn as in t Duutse Boot, mear an t eande doarvan ne "wöh" an too te voogn.
- [ui] wördt oet-esprökn as [öj], zooas in kuiern.
- In Riesn en Eanter is hier nog nen langn variaant op: [öai], zo as in gröain. Dit is nen langn [öa] zo as in öar, mear dan met nen buuging noar ne [i].
Metkleenkers
- [b] - Standaard West-Germaansn stemhebnden kleenker.
- [p] - Krig wat mear loch as n standaard Hollaandsn [p], en is doarumme n kleain betjen met de Engelse [p] te vergeliekn.
- [d] - Standaard West-Germaans. Veraandert duur assimilasie mangs in ne [t], meesttieds as e noa ne [s] of ne [t] keump: Wastettan? (Wat is det dan?).
- [t] - Ne "dikke" [t]. Krig iets nen sis-klaank met, woerduur at e wal wat weg hef van de Duutse [z]. t Tweantse tonge wördt zoowat t zelfde oet-esprökn as t Duutse Zunge. As de [t] an t eande van n woord steet, en t volgnde woord begeent met nen kleenker, dan kan e vuur t gemak as ne [d] oet-esprökn wördn: oedesprökn (oet-esprökn).
- [f] - Standaard West-Germaans. As e an t eande van n woord(deel) steet, en t volgnde woord(deel) begeent met nen kleenker, dan kan e vuur t gemak as ne [v] oet-esprökn wördn: ovveköjerd (of-ekuierd). Ook as e vuur nen stemhebnden kleenker keump, kan e as ne [v] oet-esprökn wordn: ovbrekn (ofbrekn)
- [v] - Standaard West-Germaans. In völle Tweantse variaantn wördt de [v] aait as ne [f] oet-esprökn, mear in t West-Tweants is der n dudelik oonderskeaid tusken ne [f] en ne [v], behalvn as ze liek noa mekoar komt: offoorn (ofvoorn), of noa nen stemmeloozn metkleenker: hek fedaage nif föll ann doan ((doar) Heb ik vandage nit völle an edoan).
- [s] - Standaard West-Germaans. Wördt met roonde lipn oet-esprökn. Doarduur wördt e mangs duur boetnlaanders as ne Engelse -sh- verstoan.
- [z] - Standaard West-Germaans, met roonde lipn. In völle Tweantse variaantn wörd de [z] aait as ne [s] oet-esprökn, dus as seekers (zekers), mear in t West-Tweants is der n dudelik oonderskeaid tusken ne [s] en ne [z], behalvn as ze direkt noa mekoar komt: 's söandaagns. ('s zöandaagns), of noa nen stemmeloozn metkleenker: wasseukie? (wat zeuk ie?).
- [k] - Krig wat mear loch as ne standaard Hollaandse [k]. A'j det geluudjen alleen zoln oetsprekn was t ne zachte (Achterhookse) [g].
- [g] - Stemhebnde ("zachte") [k]. Was vroger dudeliker as non, mear allene as e wör evolgd duur ne [n] of [ng]. t Tweantse bign wör vroger oet-esprökn as t Engelse big met nen [ng]-klaank der achteran, mear de jongere genneroasies verleest um. Rechtevoort is der bie de meeste leu gin oonderskeaid mear tusken legn (dale legn) en lengn (lengn met water, of iets länger maakn). Wat leu sprekt legn rechtevoort oet as lejn.
- [l] - Wat soortn Tweants maakt oonderskeaid tusken nen zwoarn en nen lechn [l]. De wat euldere soortn hebt allene den lechn [l], den at vuur in n moond met n tip van de tonge teegn de vuurtaandrichel emaakt wörd. Aandere soortn Tweants doot an t begin van n woord/lettergreep nen lechn en an t eande van n lettergreep nen zwoarn, net as in t Hollaands, en wellich is t doarduur ook veraanderd.
- [r] - Van ooldsher is n meest ebroektn [r] in Tweante n tip-[r], den nog t beste te vergeliekn is met ne [d], umdet-e ongevear op dezelfde plaatse en maneere in n moond maakt mut wordn. Det is ook meteen de reedn woerumme at sommige leu bedde skrieft en aandern berre. Sommige soortn Tweants gebroekt n huig-[r], den op dezelfde plaatse in n moond emaakt wörd as n [g]. Dit keump vuural in de plaatsn körter noar de Duutse greanze vuur.
Grammatika
Persoonlike veurnaamweurde
- Ik
- Doe/dow/iej *
- Hee/zee/ze/ut/et/t
- Wiej/viej
- Iej/iejleu
- Zee/ze/zeeleu
In völle plaatsn wörd "hee" ook vuur vrouwleu broekt. t Blik oet de rest van t verhaal wal of t um nen kearl of ne vrouwe geet.
Lidwöarde
t Lidwoard haank of van t geslacht van t woord. Tweants ken dree geslachtn: Mannelik, Vrouwelik en Onziedig.
onbepoalde lidwöarde
Mannelik | Vrouwelik | Onziedig | Meervoald |
---|---|---|---|
nen kearl | ne vrouwe | n wich | .-. leu * |
bepoalde lidwöarde
Mannelik | Vrouwelik | Onziedig | Meervoald |
---|---|---|---|
n kearl | de vrouwe | t wich | de leu |
anwieswöarde
Mannelik | Vrouwelik | Onziedig | Meervoald |
---|---|---|---|
Den kearl | dee vrouwe | Det/dat wich | Dee leu |
Bezittelike veurnaamweurde
Mannelik | Vrouwelik | Onziedig | Meervoald | |
---|---|---|---|---|
ik | mienn/minn | miene/minne | mien/min | miene/minne |
doe/dow | dienn | diene | dien | diene |
iej | oewn | oewe/oene | oew | oewe |
hee/zee/ut/t | zienn/zinn | ziene/zinne | zien/zin | ziene/zinne |
Wiej/viej(leu) | oonzn | oonze | oons | oonze |
iejleu | oeleu | oeleu | oeleu | oeleu |
zee(leu) | öarn/earn/eern | öare/eare/ere | öar/ear/eer | öare/eare/ere |
Regelmoatige wearkweurde
persoon | rechtevoortse tied | verledn tied | voleandigde tied |
---|---|---|---|
Ik | haal/hale | haaln | (e)haald |
Doe | haals | haalns | (e)haald |
Iej | haalt (aansum: haal iej) | haaln | (e)haald |
Hee | haalt | haaln | (e)haald |
Wiej | haalt (aansum: haal/hale wiej) | haaln | (e)haald |
Iej(leu) | haalt (aansum: haal iej) | haaln | (e)haald |
Zee | haalt | haaln | (e)haald |
Hebn
persoon | rechtevoortse tied | verledn tied | voleandigde tied |
---|---|---|---|
Ik | heb(be) | had/har | (e)had |
Doe | hes | hars | |
Iej | hebt | hadn/harn | (e)had |
Hee | hef | had/har | (e)had |
Wiej | hebt | hadn/harn | (e)had |
Iej(leu) | hebt | hadn/harn | (e)had |
Zee | hebt | hadn/harn | (e)had |
Wean
persoon | rechtevoortse tied | verledn tied | voleandigde tied |
---|---|---|---|
Ik | bin/zin | was/wazze | (e)wes(t) |
Doe | bis/beens/zins | wais | (e)wes(t) |
Iej | bint/zeent | warn/wazn | (e)wes(t) |
Hee | is | was | (e)wes(t) |
Wiej | bint/zeent | warn | (e)wes(t) |
Iej(leu) | bint/zeent | warn | (e)wes(t) |
Zee | bint/zeent | warn | (e)wes(t) |
Goan
persoon | rechtevoortse tied | verledn tied | voleandigde tied |
---|---|---|---|
Ik | goa | gung | (e)goan(e)* |
Doe | gees | gungs | (e)goan(e) |
Iej | goat | gungn | (e)goan(e) |
Hee | geet | gung | (e)goan(e) |
Wiej | goat | gungn | (e)goan(e) |
Iej(leu) | goat | gungn | (e)goan(e) |
Zee | goat | gungn | (e)goan(e) |
Onregelmoatige wearkweurde
Doon
persoon | rechtevoortse tied | verledn tied | voleandigde tied |
---|---|---|---|
Ik | doo | deu/döa/dee | (e)doan(e) |
Doe | dös | deus/döas | (e)doan(e) |
Iej | doot | deudn/döadn/deedn | (e)doan(e) |
Hee | döt/dut | deu/döa/dee | (e)doan(e) |
Wiej | doot | deudn/döadn/deedn | (e)doan(e) |
Iej(leu) | doot | deudn/döadn/deedn | (e)doan(e) |
Zee | doot | deudn/döadn/deedn | (e)doan(e) |
Loopn
persoon | rechtevoortse tied | verledn tied | voleandigde tied |
---|---|---|---|
Ik | loop/lope | leup | elop/loopn |
Doe | löps | leups | elop/loopn |
Iej | loopt (aansum: loop iej) | leupn | elop/loopn |
Hee | löp | leup | elop/loopn |
Wiej | loopt (aansum: lope/loop wiej) | leupn | elop/loopn |
Iej(leu) | loopt (aansum: loop iej) | leupn | elop/loopn |
Zee | loopt | leupn | elop/loopn |
Sk-/Sch-
In wat deeln van Tweante wördt de sch- op zin Hollaands oet-esprökn, in aandere deeln wördt e nog as sk- oet-esprökn. Dit hef der woarskienlik met te maakn dèt de oolde leu oet Tweante öare wichter Hollaands prebeern te learn en de wichter verbèttern as zee in t Hollaands van skuur vuur schuur deudn. De wichter gungn disn regel dus ok in t Tweants gebroekn.
Dèt is de reden woerum o'j hier mangs weurde met sch- zeet, en mangs ook met sk-.
-ing/-ige
Wat woarkweurde köant (net as in t Hollaands) veraanderd wordn in zelfstandige naamweurde duur der -ing of -ige (oetsproak -ege) achter te plakn. Dee leste meugelikheaid is alleen wat eulderwètser. Rechtevoort wördt -ing mear gebroekt, mear -ige keump in Riesn ook nog wal völle vuur. Doarumme kö'j hier beaide teegnkomn. Vuurbeeldn:
- verbeelding - verbeeldige
- bedoling - bedolige
- verkering - verkerige
Sassies hebn
Duur euldere sprekkers van t Tweants wördt mangs nog t hulpwoarkwoord hebn in plaatse van wean gebroekt. Dèt geet op de zelfde wieze as in t Engels:
- Engels: Where have you been?
- Tweants Woer heb iej ewest? of Woar he'j west?
Rechtevoort geet t, duur t oawerheersnde Hollaands, op t gebroek van wean in dee stean op an:
- Hollaands: Waar ben jij geweest?
- Tweants: Woer bin iej ewest? of Woar bi'j wes?.
Sassies doon
Tukkers gebroekt heel vake doon as hulpwarkwoord um ne haandeling te beskriewn. A'j det noar t Hollaands vertaalt, kleenkt t wat keenderlik in de oorn, mear feailik is t heel normaal.
- Wat doo'j?
- Ik doo leazn.
- Wat dee'j?
- Ik dee leazn.
- Wat he'j (e)doan?
- Ik hebbe leazn (e)doan.
- Woerumme steun Jan bekeand?
- Den dee aait völle leazn/Umdet hee aait völle leazn dee.
Umdet völle sprekkers rechtevoort ook völle Hollaands doot, meant ze dèt dit keenderlik is, en doarumme neet good. Dee gebroekt doarumme rechtevoort meestntieds n Hollaandsn vorm: Ik leaze.
Saamntrekkings
Tweants steet ook bekeand um de völle saamntrekkings van weurde. Dit gebuurt allene neet op good geluk, mear as t oonderwoarp noa t hulpwoarkwoord keump, zoo as wiln, hebn, wean, doon en woarkweurde dee at op nen kleenker eandigt. Allene as der noadruk op t oonderwoarp keump, wördt dit neet edoan.
Wiln
- wi'k - wil ik
- wi'j - wil iej
- wi'w - wilt wie
Meestieds wördt wiln saamn etrökn tot
- wo'k - wol ik
- wo'j - wol iej
- ezv
Goan
- goa'k - goa ik
- goa'j - goa iej
- goa'w - goa wie
Vuurbeeld met hebn
- He'j um nog ezeen?
- Heb iej um nog ezeen? (met noadruk op iej)
Wöarde
In t Nederlaands | In t Tweants |
---|---|
Aardappel | Eerdappel, earpel, eerpel, tuffel, Vjens: jappel |
Altijd | Aait, aalt, aaltied, altied |
Azijn | Ettik, azien |
Begrafenis | Groov, grove, groof, groav(e), begraffenis |
Boerenkool | Moos |
Bomen | Beum(e) |
Boos, kwaad | Hellig |
Boterham | Brugge, snee/vlak stoete |
Bretels | Li(e)chtn, zeeln |
Broek (kleding) | Boks(e) |
Brood (als stof, wit-) | Stoet(e) |
Bunzing | Ulk |
Deel (Boerderij) | Del(le) |
Den (boomsoort) | Dan(ne) |
Drempel | Dorpel, zul |
Eik (als ding) | Eekn |
Eik (als soort) | Eek |
Eelt | Zwil |
Gierigaard | Knieperd, kniepköttel |
Gootsteen | Göttegat, götngat, gottegat |
Haagwinde (plant) | Pispötjes |
Ham (vlees) | Skeenkn |
Huid/lichaam | Hoed |
Jas(je), colbert | böais |
Kerk | Keark(e), kaark(e), koarke, kark(e) |
Kleding | Kleer, klere, klear(e), |
Koe | Koo, meervoald beest(e) |
Kreuken | Knöttern |
Kwikstaart (vogelsoort) | Bouwmeaisterke |
Merel (vogelsoort) | Geenteling, Geetlink |
Mier | Miegeamp |
Modder | Drek, modde |
Mol | Weul(e), wreut, vroot, vrote |
Morsen (werkwoord) | Sopn, smearn, smiestern, knooin, slatern |
Muur (kruid) | Miere |
Onkruid | Roed, onkroed, rood |
Ontzettend | Onmeundig, machtig |
Ooievaar (vogelsoort) | Stoark, meervoald stöark(e), kikkervretter, klepper-Deark |
Opscheplepel | Sleef |
Pinda's | Aapnnötjes |
Prullenbak | Askenemmer |
Punt/uiteinde | Tip |
Reu (hond) | Rekkel |
Ruzie | Verskel, drokte, houweriej(e), kif, stichelderiej(e), gedoo |
Schaap | Schoap |
Schort | Scholdook, scholk, skelk, schoeterd, sloch(t), sluj, sopsleui. |
Schuim | Broes, schoem |
Sperwer | Klemmerd |
Stier | Bol(le), boln |
Stoel | Stool |
Stoeien | Balgen, dawweln |
Taal | Sproak(e), taal |
Toilet | Huuske, driethoes, tonne, pot |
Totaal, helemaal | kats, kèts |
Tuin | Hof, goardn |
Ui | Siepel |
Uil | Oel(e) |
Vijver | Viever |
Visite | Kuiervolk, visiet, viseet, visite, viziet, visietnleu |
Vogelverschrikker | Skiw* |
Voorhoofd | Plètte, plät(te) |
Zak (in kleding) | Tuk |
Zak (plastic/papieren) | Toetn, tute, buul |
Zeef | Ziej(e) |
Zegswiezn
Dit oonderdeel is um te loatn zeen dèt Tweants vake aandere oetdrukkingen hef as t Hollaands. ne letterlike vertaling van de volgnde Hollaandse zinn is wal meugelik en korrekt, mear meesttieds wördt ekeuzn vuur n variaant den't hiereunter in t Tweants te leazn is. Zoo kan t Hollaandse "alles goed?" letterlik vertaald wördn noar "Alns good?", mear echt Tweants gebrok ne zegswieze zooas den hiereunter steet.
In t Nederlaands | In t Tweants |
---|---|
Alles goed? | Good te pas(se)? Nog n betjen goans? |
Ja, het gaat goed | (Och), t geet (wal) |
Afschaffen/afdanken * | Der achterhen doon |
Alles overhoop halen (om te zoeken) | Alns oawer n kop trekn |
Aandacht van de andere sekse krijgen | Gesnoef um de dure hebn, geroek um t hoes kriegn |
Bekijk het maar! | gedretn, loop hen drietn |
Ben je doof? | He'j t met de oorn? He'j zwil in de oorn? |
Ben je wel goed bij je hoofd? | Veult der oe s an/vuur |
Continue | Tooverdan |
Daar geloof ik niets van | Doar wil ik neet an, (det) zal wal, joa dat zal |
Daar heb ik geen zin in/daar ben ik niet voor in de stemming | Doar he'k de/n kop neet/nich noar stoan |
Daar moet je werk van maken / daar moet je mee naar de dokter | Doar mu'j met gangs |
Dan zitten we in hetzelfde schuitje / dan zijn we het daarover eens | Dan kö'w mekaar de haande doon |
Dat had je niet gedacht hè? | Oo? |
Dat is aangetrouwde familie | Dat is van de koolde kaante |
Dat is (geen) zwaar werk | Dèt keump oew (nit) an de butte |
Dat kan ik nog wel gebruiken | Dèt kon miej wal pasn |
Dat smaakt erg lekker | Dèt kö'j best ètn |
Dat staat mij wel aan / dat lust ik wel. | Dèt steet miej wal an, dèt mag ik wal liedn, dèt mag ik wal hebn van n dokter |
De wind van voren krijgen | n Schoer duur de bene kriegn, n board der of kriegn |
Die verloochent zijn afkomst | Den hef zin hoesnommer vergètn, Den wil heugerder drietn as at e t gat hef zitn, Den hef zienn hoesbreef verleurn |
Doe die deur dicht! | Doot dee dure too/an/dichte, doot der de plaanke vuur! |
Dronken zijn | Dikke wean, de piepe strak hebn, mooi in n öllie wean, n sputter op hebn, zik bes eweard hebn, zoo dikke as doeznd man wean, hagelsteendikke wean, de hoed/peanze vol hebn |
Echt? dat meen je niet! | Joa zeg e! ealke? |
Een lage, afzakkende broek aanhebben | De loch lege hebn hangn |
Een rondje geven (in een café) | Der ene in doon, der een oetgeavn, der nog ene op de laampe geetn |
Een ruwe schatting maken | Skaal 1 op t oge nemn |
Eerlijk verdelen | De/te man de helfte |
Eet eens een beetje door | der zitt gin spiekers in! Lus iej t nit? |
Eigenwijs/chagarijnig/tegendraads zijn | Krang (in de kop) wean |
Ergens op bezoek gaan | Oarns anlegn (café), hen kuiern goan, der achterhen kiekn |
Fijn/leuk | Mooi |
Fijn dat je er bent | Wa'j der wal? |
Ga zitten (uitnodigend) | Zet oe, smiet oe daal, smiet oe van de been |
Graag gedaan | Doar zö'j t vuur hebn |
Heb je me begrepen? | Heur iej? |
Het bliksemt | Ut löcht |
Het was een kabaal/zooitje ongeregeld | t Gung der of! |
Hij heeft zijn krediet bij mij verspeeld | Den hef t verdretn |
Hij houdt je voor de gek | (Hee) hef oe biej de bene. Hee hef oe bie n bok edoan. |
Hij heeft geen rooie cent | Hee hef (nog) gin neagel um t gat te krabn |
Hij is van een koude kermis thuis gekomen | Hee hef der zik bes met in n kul ebètn, hee hef dr zik op verkekn |
Hij reed ontzettend hard | Hee jaagn de leu de vooln oet de bokse |
Hoe heb je dat nou weer voor elkaar gekregen? | Wo(döanig) he'j dr det met ehad? |
Iemand opdrijven | Eenn in n daamp jaagn |
Iemand vertelde mij... | Der verteln/verniejn der miej ene, ik wör van ene gewoar... |
Iets drinken na het eten | Nen natn der oawerhen smietn |
Iets met iemand overleggen | Wat met ene in de negosie hebn |
Iets van plan zijn | Wat in t zinne/de musse hebn |
Ik bedoel maar/Dat dacht ik ook! | Oh! |
Ik ben aangekomen (gewicht) | Ik bin egröaid/greuid |
Ik ben doodop | Ik knappe zowat of bie de eankels |
Ik ga slapen | Ik legge/strekke mie, ik goa der hen, ik kroep in de val, ik goa daal, ik goa achteroaver stoan |
Ik mag hem niet zo | Bestn kearl, mos allene karbiet lustn. doar he'k t neet zoo op zitn. |
Ik verloor de controle | t Kuln miej |
Ik zal er eens even naar informeren | Ik zal (der) s eawn (noar) goan heurn |
Ik regel dat wel | Doar goa ik achteran |
Ingespannen zwaar werk doen | worseln, pokkeln, klein, adamn |
Je aanwezigheid is niet gewenst | Goat op n pot/t dak zitn |
Je bent flink te laat! | Ko'j t veendn? Iej beent mooi op tied |
Je niet lekker voelen/een kater hebben | Slecht (te passe) wean, sloerig in n rèkkerd/rakkerd wean, ral in n balg wean, todderig wean*. Ropperig in de hoed wean * |
Kijk eens wie we daar hebben! | Hier! |
Kom op (we gaan) | Alló, allò |
Komt er nog wat van? | Wat ha'j dr van edacht? Vandage nog? |
Lachen als een boer met kiespijn | Lachn as nen sik in de braandnetteln |
Lol hebben | Wil(le)/schik hebn |
Beheers je het apparaat? | Kö'j der met (gewordn)? |
Moe zijn | Ut der an hebn, de knoln op hebn, n tank löag hebn, de pinne lös hebn, |
Naar huis gaan | Op de kökn op-an goan, t op t hoes an hoaldn |
Nu gaan we wat beleven! | Non he'j t skoap an t drietn! Non geet t sköapeskearn an! |
Nu gaat het beginnen! | Doar geet t hen. Loat goan! |
Ontzettend moeten lachen | Zik van de bene lachen |
Opschieten, voort maken | Anmaakn. Loat goan! |
Op kraamvisite gaan | Kroamskudn |
Pas op! | Waart/woart oe! Boargt/baarget/bargt oe! |
Precies! | (Non) Of nit (dan) |
Schaften | Schoftn, inkoeln |
Schreeuwen, vloeken | Achteroet n haals komn, t angoan, bearn |
Schriftelijk maatregelen treffen | In de penne klimn |
Te hard werken | Zik boawn/oawer n kop woarkn |
Te weinig te drinken/eten krijgen | n Haags betjen kriegn |
Telkens/voortdurend | Al, alverdan |
Tsjonge! | Kearl non! |
Uitglijden/omvallen | Van de bene goan, vuur de groond goan, teegn de vlakte goan |
Van nu af aan | Non tooverdan |
Vreemd gaan | Oonder n droad hen/duur vretn, nöast n pot pisn |
Waarom/hoezo niet? | Wat dan? |
Wat denk je nu zelf? | Wat meant n dokter? |
Wat een gedoe/rotzooi! | Wat nen kroam! |
Wat een toestand | Wat n spul/spil |
Wat moet ik betalen? (in een café) | Woovölle/wat he'k der an? Wat krie'j van miej? Wat is de schade? Wat is t oe weard? |
Wil je me dat even aangeven? | Wo'j miej det eawn doon? Hier op-an s met den/dee/det [zelf invuln]. |
Zeker | Vast(e), wis(se), zekers |
Zelfs onder ideale omstandigheden kan hij nog klagen | t Manna mut um in n haals reagn |
Zet hem op! Succes! | Kalm/heanig an. Loat goan! |
Zich douchen | Zik wasken, oonder t ziejke/ströalke/de geate goan, biej de poompe wean |
Zich omkleden | Zik aansum antrekn, zik umtrekn, zik aans antrekn |
Zwaar graafwerk doen | An de batse goan/stoan |
Verkering uit hebben | Ut nus/nös oonder n boom / de beume hebn (lign) |
Waar denk jij naar toe te gaan? | Woer zal t hen, woer zal t op-an? |
As n Tukker wat te völle dut met noadelige gevolgen, keump dr vuur t woarkwoord n prefix ver-:
- Ik hebbe miej verbuurd (ik hebbe te zwoar ebuurd, dus non he-k ne zeare rugge)
- Ik hebbe miej verjag (Ik bin te vear ejag, en non mu-k n heel stuk wierumme of ik bin te laate komn)
- Ik hebbe miej verhöwn (en non he-k nen zearn doem)
Plaatsnaamn
In t Tweants | In t Nederlaands |
---|---|
Albeargn | Albergen |
Almelo | Almelo |
Bantum | Bergentheim |
Battem | Bathmen |
Beantel | Bentelo |
Beckum | Beckum |
Böaningn | Beuningen |
Bokel | Boekelo |
Boorn | Borne |
Boornerbrook | Bornerbroek |
Breklenkaamp | Breklenkamp |
Broenehaar | Bruinehaar |
Buurse | Buurse |
Dealdn | Delden |
Dealdnerbrook | Deldenerbroek |
Dealdner Es | Deldeneresch |
Deankaamp | Denekamp |
Deepn | Diepenheim |
Doarle | Daarle |
Doarseveld | Daarlerveen |
Döarningn | Deurningen |
Eanske | Enschede |
Eanter | Enter |
Eul | Oele |
Fleringn | Fleringen |
Gammelke | Gammelke |
Geester | Geesteren |
De Glanerbrug | Glanerbrug |
Goor | Goor |
Haadorp | Adorp |
n Haarbrik | Harbrinkhoek |
n Ham | Den Ham |
Hoksebarge | Haaksbergen |
Heldern of Healndoorn | Hellendoorn |
Hengel | Hengelo |
Hertem | Hertme |
De Hoeve | Sint Isidorushoeve |
t Langnven | Langeveen |
Lattrop | Lattrop |
Lönnker | Lonneker |
Loster | Losser |
De Lut | De Lutte |
Mariaparochie | Mariaparochie |
Maander | Mander |
t Maanderven | Manderveen |
Maarkel | Markelo |
Nijverdal | Nijverdal |
Nötter | Notter |
Nutter | Notter |
Oagel | Agelo |
Oatmörsken | Ootmarsum |
Oaverdeenkel | Overdinkel |
Oazele | Azelo |
Oldnzel | Oldenzaal |
Ossel | Usselo |
Reutum | Reutum |
Riessen | Rijssen |
Rooke | Radewijk |
Rossum | Rossum |
Senoa | Zuna |
Soasel | Saasveld |
Tilgt | Tilligte |
Tubbige | Tubbergen |
Twekkel | Twekkelo |
Vas | Vasse |
t Vjenne | Vriezenveen |
De Wieke | Vriezenveensewijk |
Vroomshoop | Vroomshoop |
Weersel | Weerselo |
Westerhaar | Westerhaar-Vriezenveensewijk |
Wiern | Wierden |
Zeander | Zenderen |
De Zoeke | De Zoeke |