Zoerik

In Zoerik heet den "heelwegge" op Duuts groandgebeed "Helweg"

Zoerik in et (Nederlands: Zuiderwijk, Duuts: Suderwick) is nen darp in Duutslaand, gemeente Bokelt, op den grenze mit Nederlaand. Op 1 januari 2005 hadden zie 1.863 inwonners.

Tweelindarp

Et darp vörmt mit et Nederlaandsen Dinsper (gemeente Aalten) nen tweelingdarp: den laandsgrenze löpt dwars deur den bebouwden kom en volgt veur nen groten dele den Heelwegge, dee tot an de stoep Nederlaandsen groandgebeed is. Et is doarmet den enigen ploatse woar Duutsen burgers in nen Nederlaandsen stroate wont. Doar is sinds olde tieden sproake van deepgoande grenze oaverschriedenden soamenwarking. Uutzunderlek moar neet uniek is et gezoamenlek Nederlaands-Duutsen politieburo in Dinsper. En den Zoeriksen kinder goat doar noar den Nederlaandsen basis-skoole.

Nederlaandsen annexatie

In 1949 wöd et grootsten dele van Zoerik, soamen mot wat andere Duutsen grenzedarpen en -gebeeden deur Nederlaand geannexeerd bi-j wieze van schadeloosstelling veur den Tweeden Wealdkrieg. In 1963 wöd et wier an Duutslaand trög-egoaven en hereanigd mit den rest van et darp. In 1969 wöd Zoerik as zelfstaandige gemeente op-eheaven en bi-j Bocholt edoan. Deur et Verdrag van Schengen is den zichtbaoren grenze tussen Zoerik en Dinsper vort egaon.