Beleg van Grol (1627)

Beleg van Grol deur Frederik Hendrik (1627)

't Beleg van Grol was ne belegeringe van de veste Grolle in 1627 deur Frederik Hendrik, ok wal den 'Stedendwinger' geneumd. 't Was in den tied van den Tachtigjoarigen Oorlog, en Grolle was in dizzen periode meerdere keren bezet ewodden deur de Spaansen. Um den stad noa joaren van Spaanse bezetting end'lijk definitief weerumme te kriegen veur de Nederlanden, hef Frederik Hendrik ne grootse belegeringe op-e-zet. Nadat hee met zien leger van wal twintigduuzend man in iets meer dan ene wekke een onmeunige 'circumvallatielinie' van 16 kilometer lang hadden an-e-legd, zodat niemand den stad nog in of oet kon, begon hee Grolle duftig onder vuur te nemmen met kogels en vuurballen.

Ondertussen gef Hendrik zien Engelse, Friese en Hollandse soldaten opdracht greppels richting de stad te graven. Eenmoal doar angekommen probeerden zee de stadsmure oaver te klimmen, wat de leu in de stad oet alle macht probeerden te verhinderen. Al met al duurde 't bi-jnoa 'n moand veurdat de Spanjaarden er genog van hadden en zich oavergaven.

De Spaanse troepen mochen vertrekken van Frederik, zoas dat in een verdrag met mekaar was beslotten. De Grolse leu mochen in de stad blieven, op de veurwaarde dat zee het katholeeke geleuf af zollen zweren. Dat deed ze dan moar, veur de vorm, want in 't geniep blivven zee met z'n allen katholeek. Grolle was noo end'lijk ingenommen en zol in Staatse handen blieven tot 't end van de oorlog.

Dit artikel is schreven in t Grols, verbetteringen bunt altied welkom.