Darp

Een darp of daarp is een kleine woenplek. De grootte van een darp wat 't antal woeningen angaot is niet krek vast-eleid. Een darp is groter as een gehucht, mar kleinder as een vlek en een stad. Een meugelijk verschil tussen een gehucht en een darp kan wezen dat een darp een kark het. Dit wort oek wel een karkdarp eneumd.

Een vlek en een stad hen daorentegen een mart, die-j over 't algemeen in een darp niet zien.

In 't oosten van 't land laggen naost hoger elegen akkercomplexen, die essen eneumd worren, de esdarpen.

Een are vorm is 't lientdarp, die-j bieveurbeeld in veenkeloniën vienen.

Darpen vie-j in landelijke gebieden. Darpen waren tot de industriële revolusie en de daormee epaord gaonde verstejelijking de meest veurkommende woenvorm.

Nedersaksisch

• Drèents: dörp
• Grunnegs: dörp, loug
• Stellingwarfs: dörp
• Veluws: da(a)rp, dorp, dörp
• Achterhooks: darp
• Tweants: doarp