Fraizenkuur

n Fraizenkuur is n kuur over de Fraizen, maisttieds môkt deur n Grunneger. Nait allend Grunnegers en Fraizen dudden dit, woardeur t binoa n aalgemaine benoamen worden is veur n kuur over n andere kultuur of vôlk. Hierbie gaait t voak om buurlanden en etnische groupen. Hieronder stoan n poar veurbeelden.

¶«'/lp¶´/ KUT TAAL

De Grunnegers môken t maist kuurn over de Fraizen.

• Hou binnen de Fraizen ontstoan?
  • Dou der in Grunnen n haalfmale geboorn wuir, wuir e mit n bongel over de Laauwers kwakt. Tegenswoordeg nuimt man dit fierljeppen.

• Wat is t schierste stee in Fraislaand?
  • De bus noar Grunnen.

• Der komt ain Frais de baank binnen en dij ropt: "gèld, geef mie aal t gèld in dizze baank" en zet n pistool tegen zien aaigens kop. Den bölkt e nog moal "geef mie aal t gèld in dizze baank, want ik heb n gijzeloar bie mie".

Bayern

Bayern worden voak deur hail Duutslaand in de sjaik nomen. Voak worden zai hierbie op heur aigens dialekt aansproken.

• Ain toerist oet Engelaand, dij in Bayern verdwoald roakt is en ìndelk aine treft zègt: "Excuse me, mister"
  • Zègt de Bayer: "I' bin ned da Mister, i' bin da Melker!"

• Komt der ain Bayer in Fraankriek in n schounenwinkel. Zègt de verkoopster: "Bonjour!"
  • Zègt de Bayer: "A freilich, a Paar braune!"

Oostfraizen

In tieds dat de Duutsers in t aalgemain maisttied kuurn môken over de Bayern, môken de Bayern zölf kuurn over Oostfraizen.

• Woarom gef t Eb en vloud?
  • Als de zee de Oostfraizen sag, schrok hai en vluchtte. Non kom e twijmoal per dag kieken, of zai der nog binnen.

• Woarom hebben de Oostfraizen gain onderzeeboot meer?
  • Dij is op de dag dat de deur opend wuir zonken.

Bèlgen

Over Bèlgen binnen t veuraal de Nederlanders dij de kuurn môken. De bedoulen bie dizze kuurn is dat de Bèlgen n dom imago kriegen.

• Hou moakst ain Bèlg maal?
  • Zet hom in n ronde koamer en zèg hom dat der in de houk n puutje patat ligt.

• Woarom het ain Bèlg n mèsk bie zok in de auto?
  • Om de bocht ôf te snieden

Nederlaanders

Kuurn over Nederlaanders worden veuraal môkt deur Bèlgen. Zai willen t imago doarmit opbaauwen/verstaarken dat Nederlaanders zuneg binnen.

• Hou heerkenst ain Nederlaandse toen?
  • Aan t WC-pampier dat der aan waskelienen haangt te dreugen.

• Hou is koperdroad oetvonden?
  • Twij Nederlaanders vochten om n sìnt.

Skotten

De Skotten binnen maisttied de bok bie de Duutsers. Ook bie dizze grappen is t de bedouln dat man dat man denkt dat de Skotten zuneg en aarm binnen.

• Woarom geft t in Skotlaand gain Koulkaast?
  • Man kin nait kontroleern, of t lucht echt oetgaait, as man de deur dicht dut.

• Ain Aire, ain Engelaander en ain Skot willn n feest organiseern. Elk zol n vlèsk noar t feest mitnemen! d'Aire: "Ik neem Whiskey mit!" De Engelaander: "Ik neem Tee mit!" De Skot: "Ik neem miene bruier mit!"

Amerikoanen

Over Amerikoa worden over d'hail wereld wel grappen môkt. Veuraal omdat Amerikoanen voak opscheppen over heur aaigens laand.

• In Amerikoa is aals groot, van gebaauwen tot de pokkels van de luu dij der in wonen.