Harm Agteresch

[[Ofbeelding:Harm oet Riessen.JPG|thumb|right|300px|Harm Agteresch (Harm oet Riessen) (welle: RTV Oost) Harm Agteresch (Riesn, 20 april 1943) greuidn op in t Tweantse Riesn en volgen n opleaidege as stukadoor. Hee is rechtevoort revueskriewer, kurendriewer, leedkesmaker en presentator, den as zien artiestennaamn Harm oet Riessen hef.

Met zin eerste leedke, Kruus van de koo (1975), kreeg-e laandelike bekeandheaid op radio en tv. Zin radioprogramma op de zoaterdagemoarn biej n Oaveriesselsen zeander Radio Oost het Harms Farms. t Programma besteet al mear as twentig joar en dr keump völle piratenmeziek in an bod. Op TV Oost, woeras-e meansken interviewt, is-e vake te zeen op ne fietse met ne plaante achterop.

Agteresch is ook eene van de initiatiefnemmers van de Riessense Revue, woeras-e non nog vuur skrif en regisseerwoark vuur dut.

In 2007 hef-e t bekeande opera-stuk De Barbier van Sevilla umme zat noar t Riesns, met nen komiesn dreei dr an: n Skearbaas van Riesn. Toew TV Oost um vreug woerumme, zear-e: "Ik verveeldn mie."
Disn vuurstelling was alle dree de oawnde oetverkoch. Hiervuur brachn-e verskeaidene toneelgroepn oet Riesn, Eanter en Hooltn biej mekoar, met muzikale oonderstönnige van n Riesnsen bloaskapel De Kamgoarn Klösse. Dit joar keump-e met n niej stuk, wat ook wier ne umzetting is van n bekeand opera-stuk: Tsaar & Timmerman. Hiervuur wördt de umgeewnig van de Pelmölle an de Regge an epast.

Hee skrif ook alle wèkke vuur t Riesns Niejsblad n komies stukn oonder de titel Harm's Proat. De leu köant um dan beln of skriewn as dr zik wat grappigs of biezeunders hef vuur edoan met könnigen van öar. Doar maakt Harm dan n grappig verhaaltjen umhen, woerbiej-te vake n naamn en Skeeldnaamn van dee leu neump.

Harm krig de leste joarn mangs wat anmoarkingn te heurn. Zo wördt-r van um ezeg dèt-e gin good Riesns mear dut. Dèt kan as reedn hebn dèt-e vuur n regionaaln zeander woarket, aandern deankt at-e zin hoesnommer hef vergètn.

Plaoten

MC:

• Met ne glimlach (Telstar TMC 20070, 1980)

LP's:

• Loat mie méér joekelul'n (Telstar TSP 16960, 1980)
• I am ben een Kentucky Tukker" (Telstar TAR 19989, 1981)
• Met ne glimlach (Telstar TAR 19007, 1982)
• One man show: he, he, foei, foei (Telstar TLP 19076, 1985)

LP's samen mit aandern:

• Twente Plat 5 (Ivory Tower ITL 25.138, 198?)

CD's:

• Bloote beene stoete met sjem (Dukarec, DMPCD 1992.003, 1992)
• Harm oet Riessen (Ivory Tower ITD 20.127, 199?)
• Zin en onzin (Ivory Tower ITD 20.163, 2000)

CD's samen met aandern:

• Bie Dinkel en Regge, deel 1 (Ekkelboom Music EMCD 94010, 1994)
• De daverende 13 Carnaval (+ 4 extra) (199?)
• Luuster leedjes (Latent, 98 10048, 1998)

Bronnen

Stokkien op de webstee Streektaalmuziek in Nederland
Stokkien op de webstee van RTV Oost

Disse bladziede is eskreeuwn in t Riesns