Gemiente (bestuur)

Een gemiente is een groep van woonkeernen (dörpen, steden) mit et bi'jbeheurende gebied die saemen bestuurd wodden deur een politiek apperaot. De gemiente is de onderste laoge uut et politieke bestuursstruktuur, mit daorboven in Nederlaand respektievelik de perveensie en de rieksoverhied, en in België respektievelik et arrondissement, de perveensie, et gewest en de federaole staot.

Per 1 jannewaori 2006 bin der 458 gemientes in Nederlaand. In al die Nederlaandse gemientes wodt een antal laandelijke regels, bi'jveurbeeld in anzien van uutkeringen, op een zelde menier toepast. En de vorm van et paspoort mot der in alle gemientes etzelde uutzien. Toch bin der wel degelik grote verschillen tussen de iene en de aandere gemiente. Een grote stad, waor vule meensken dicht op mekeer wonen, kent aandere perblemen en voert een aander beleid dan een dunbevolkte plattelaandsgemiente die uut een antal kleine keernen bestaot. Ambtenaoren, gemienteraodsleden, wethoolders en borgemeister bin der verantwoordelik veur dat de zaoken in de gemiente goed gaon.