Brummel

Bestaand:Brummelbessen.jpg

Brummels

Brummel mit riepe brummels

Brummel is de naam van 't plaantegeslach mit de wetenschappelijke naam Rubus. 't Is oek de naam van de vruchen van een paor belangrieke vertegenwoordigers van dit geslach. De 'cultuurbrummel' is ontstaon uut kruzingen van verschillende brummelsoorten, waordeur der gien soortnaam an egeven kan wonnen. Meestentieds wonnen de rassen van de cultuurbrummel daorumme onder 't geslach Rubus en de sectie Moriferi erangschik.

Bleui

De bleui van de brummel is vanof 't einde van mei tot september en de bestuving vien plaose deur insekken, mit name biejen en hommels. Der bin vruchen vanof augustus.

Ecologische weerde

De brummel is deur zien stekels vrie goed bescharmd tegen dieren dee de vruchen op willen eten. As e an-esleugen is, nimp de brummel meer en meer ruumte in beslag. Dit bied dan oek de gelegenheid an bomen zoas de eek um groot te wonnen.

Onkruud

De brummel is overal in de wereld eïntroduceerd. Mit name in Zuud-Afrika wonnen disse exoot ezien as een ruutsoorte. Oek in Nederlaand wonnen e soms as een ruutsoorte ezien; as e de ruumte krieg overwoeker de brummel al gauw. Dit verschiensel wonnen oek wel "verbrummeling" eneumd.

Inhoudstoffen

Zoas alle vruchen hem oek de brummels een lege pH-weerde, dee kan verschillen van 2,8 tot 3,8. Een liter brummelsap bevat 8-15 gramme zuur (gemiddeld 11,5 g), waorvan appelzuur 't heufbestanddeel is. De brummel bevat 9 -16 % suker, 't besteet uut glucose en fructose in ongeveer een gelieke hoeveulheid en een klein bietjen saccharose en maltose. De Brix-weerde is 9-14^o. Veerder zitten in brummels veural vitamine C. Daornaos bevatten brummels 1% eiwit, 6% koolhydraoten en 1% vet. De energieinhoud van 100 g brummels is 155 kJ.

Nedersaksisch

• Stellingwarfs: brummel
• Veluws: brummel of brommel*

Ofbeeldingen

• Riepe brummels
  Riepe brummels
• Bloeme van de brummel
  Bloeme van de brummel

Commons: Brummel - plaatjes, filmkes en/of gelüüdsbestanden.