Pompebloader

Pompebloader (Frais: Pompeblêden) binnen de bloader van de Gele Plomp en de Swoanneblom. t Binnen hoast ronde bloader dij bie de steel noar binnen tou goan, wat de bloader n haartvörmig oeterliek geft.

Vlaag

Ien de Fraise vlaag stoan zeuven rooie pompebloader, dij stoan veur de Zeuven Fraise Zeelanden. Noar denken hebben der nooit liek zeuven zeelanden wèst, môr was zeuven n aander woord veur veul of aal. Pompebloader kommen ook veur ien verschaaidene aandere Fraise vlagen, zo as dij van de Ommelanden. Wieders kommen ien Skandinoavische woapens rooie haartjes veur, dij meugelk dezulfde heerkomst hebben, zo as dat ook t gevaal is bie t Ommelaander woapen.